ریال مەدرید و مانچێستەر ھەڤرکیا یاریزانەکێ ئەرژەنتینی دکەن
ئەڤرۆ نیوز:
ھەردو یانێن ریال مەدرید یا ئیسپانی و مانچێستەر یوناید یا ئنگلیزی ھەڤرکیا ب دەستڤە ئینانا یاریزانەکێ ئەرژەنتینی دکەن بوو مێرکاتویا ھاڤینا ئەڤ سالە.
رۆژناما موندو دیپورتیڤو یا ئیسپانی دیارکریە ھەردو یانێن ریال مەدرید و بەرشەلۆنا ھەڤرکیێ ل سەر یاریزانێ ئەرژەنتینی و یانا ریال بتیس چیوڤانی لو سیلسو دکەن بوو ڤەگوھاستنێن ھاڤینا بھێت.
زێدەتر وێ رۆژنامێ ئاشکراکریە ژی یانا ریال بتیس بەری ماوەکی داخوازیا یانا توتنھام یا ئنگلیزی رەتکر بوو پشتی وێ یانا ئنگلیزی کوژمێ ٦٠ ملیون یورۆیا پێشکێشی ئەوان کری لێ وێ بتیس رەتکر بوو کو دیارکریە ھەر یانەکا حەزا کرینا وی یاریزانی ھەبیت پێدڤی یە کوژمێ ٧٥ ملیون یورۆیا پێشکێشی ئەوان بکەن ژبەرکو د مەرجێ ڤەگوھاستنا ئەوی دا بەندەک ھەیە ھەر دەمێ دھێتە فروتن کوژمێ ١٠ ملیون یورۆیا دێ بوو یانا وی یا بەری نوکە پاریس سانجێرمان ڤەگەرن .
ئەوێ رۆژنامێ ل دووماھیێ دیارکریە ژی یانا ریال مەدرید ناخوازیت کوژمەکێ مەزن پێشکێشی ئەوی یاریزانی بکەت و ئێک ژ ھەر سێ یاریزانێن خوە دانی سیبایوس یان رەئول دی توماس یان ماریانو دیاز بفروشیت و ل جھێ وی یاریزانێ خوە ھەڤبەستێ ل گەل وی یاریزانێ بتیس ئیمزا بکەت لێ بەرامبەر کوژمەکێ کێمتر.
