ریال مەدرید و یوڤانتوس دێ رێککەفتنەکێ کەن
ئەڤرۆ نیوز:
راپورتێن رۆژنامەڤانی ل ئیتالیا وەسا داینە دیارکرن یانا ریال مەدرید یا ھەمی شیانێن خوە تەرخان کەت بۆ ڤەگەراندنا ستێرا خوە و گولکەرێ یانا یوڤانتوس ئەلفارۆ موراتا ل ڤەگوھاستنێن ھاڤینا ئەڤ سالە.
مالپەرێ دیڤنسا سنترال یێ تایبەت ب یانا ریال مەدرید ڤە دیارکری یە یانا یوڤانتوس قارەمانا خولا ئیتالیا چەند مەرجەک بەرامبەر ڤەگوھاستنا یاریکەرێ خوە یێ ئیسپانی بۆ یانا ریال مەدرید ھەنە ئەوژی دەست ژ چار یاریکەران خوە یێن نوکە بەردەت داکو بشێن ھەڤبەستێ ل گەل ئەوان یاریکەران ئیمزابکەن و بیتە دناڤ رێزێن یانا خوە دا ل وەرزێ بھێت بۆ خولا کاتشیو و قارەمانیا یانێن ئورۆپا ئەوژی تونی کروس یێ ئەلمانی و ئیسکو ل گەل دانێلوی و لوکا مودریتیچ ھەر چەندە یانا یوڤانتوس باش ژی زانیت ئەڤ مەرجێ ئەوێ دبیت یێ ب زحمەت بیت تایبەت دەست بەردان ژ لوکا مودریتچ کو راھێنەرێ ریال مەدرید یێ فەرەنسی زێدان پشت بەستنەکا مەزن دانیتە سەر یاریکەرێ خوە یێ کرواتی مودریتچ.
وی مالپەرێ مەدریدی ئەو چەندە ژی دیارکری یە پەیوەندیێن یانا ریال مەدرید ل گەل یوڤانتوس ل چەند سالێن بوری دا گەلەک باشن و دبیت ھەردو لایەن ل سەر ئەوان خالان رێککەڤن و دبیت ژ ئەوان چار یاریکەران یانا مەلەکی دەستا ژ سێ یاریکەرێن خوە بەردەت داکو بشێت جارەکا دی یاریکەرێ خوە ئەلفارو موراتای ڤەگەرینت.
ژلایەکێ دیڤە دەنگوباسێن رۆژنامەڤانی ل ئیتالیا وەسا داینە دیارکرن رێککەفتنەکا دی ژی یا دناڤبەرا یانا ریال مەدرید و یانا یوڤانتوس ڤە دھێتەکرن لێ ئەو رێککەفتنە ھەتا نوکە یا بەرزەیە ئەوژی ب دەستڤە ئینانا ستێرا فەرەنسی و یانا یوڤانتوس پوک بوگبا بەرامبەر یانا ریال مەدرید دەستا ژ یاریکەرێ خوە رودرێگیز بەردەت بۆ یوڤانتوس بۆ وەرزێ بھێت.
