ریال مەدرید و یوڤانتوس ھەڤرکیا یاریزانەکێ ئیتالی دکەن

ئەڤرۆ نیوز:

یانا ریال مەدرید ھزر ل ئینانا ستێرا گەنچ یا ئیتالی و یانا روما یا ئیتالی نیکولا زانیولو کریە بوو ڤەگوھاستنێن مێرکاتویا ھاڤینا بھێت بوو ب ھێز ئێخستنا ھێلا ناڤینا خوە .

رۆژناما «سپورت میدیا سیت» یا ئیتالی دیارکریە یانا ریال مەدرید ژی کەڤتیە د ھەڤرکیا دەستڤە ئینانا یاریزانێ گەنچ یێ ئیتالی و یانا روما نیکولا زانیولو یێ ١٩ سالی کو بەری نوکە یانا یوڤانتوس بەرھەڤیا خوە ب فەرمی دیارکریە بوو دەستڤە ئینانا ئەوی یاریزانی ژ یانا روما لێ ل چەند رۆژێن بوری بەرپرسێن یانا ریال مەدرید ژی ھزر ل ئیمزاکرنا ھەڤبەستا ئەوی یاریزانی کریە .
ھەردیسان ئەوێ رۆژنامێ ئاشکراکریە ژی ماوەکە یانا ریال مەدرید یا چاڤدێریا ئەوی یاریزانی کەت ب رێیا لژنەکا تایبەت ب ڤەگوھاستنا یاریزانان ڤە ل یانا مەلەکی و گرنگیەکا مەزن نوکە ب ئەوی یاریزانی ددەن بوو ئیمزاکرنا ئەوی ل ھاڤینا بھێت.
ھەژی گوتنێ یە نیکولا زانیولو یێ ١٩ سالی ل ھێلا ناڤین یاری دکەت ل وەرزێ ئەڤ سالە ٢٨ یاریان دا پشکداری ل گەل یانا روما کریە کو ١٩ ژ ئەوانا دخولا کاتشیو بوون و ٧ یاری ل چامپیونیز لیگا ئورۆپا بوون و ئێک ژ باشترین یاریزانێن روما یە ل وەرزێ ئەڤ سالە و نوکە بوویە جھێ گرنگیا چەندین یانێن مەزن ل ئورۆپا و ھەڤبەستا ئەوی ل گەل یانا روما ھەتا ٢٠٢٣ یە .

کۆمێنتا تە