ریال مەدرید پارەیەکێ خەیالی بۆ کرینا یاریکەرەکێ ئامادەکرینە
ئەڤرۆ نیۆز،زنار تۆڤی:
یانا ریال مەدرید یا ئیسپانی ل بەرە د ڤەگۆهاستنێن داهاتیدا پاولۆ دیبالا یێ یاریزانێ یانا یوڤێنتوس و هەلبژارتیێ ئەرجەنتین بینیتە ناڤ رێزێن یانا شاهانە.
دبیت کارگێریا یانا ریال مەدرید دەست ژ بیرۆکا دروستکرنا یاریزانان بەردابیت و نوکە ڤەگەریتە سەر خەرجکرنا پارەکێ زۆر و ئینانا ستێرێن مەزن،ئەڤە ژی ژبەر هندێ یە،کو ل دەستپێکا ڤی وەرزی یانا مەدریدی ب ئاستەکێ خراپ دەرکەفت و ئەنجامێن وێ وەک پێدڤی نەبوون.
رۆژناما مارکا یا مەدریدی د نووچەیەکێ دا ئاماژە ب هندێ کریە کو یانا ریال مەدرید هەولددەت پاولۆ دیبالایێ ستێرا یانا یوڤێنتوس ڤەگۆهێزیتە ناڤ رێزێن خۆ و بۆ ڤێ مەبەستێ ژی گۆژمێ 200 ملیۆن یۆرۆیان ئامادەکرینە،دهێتە چاڤەرێکرن کو ئەڤ ڤەگۆهاستنە د هاڤینا داهاتیدا بهێتە ئەنجامدان.
د دەمێ بوری ژی دا ریال مەدرید ل بەربوو ڤی یاریکەری ڤەگۆهێزیت،بەلێ ژبەر گرانبوونا بهایێ وی و رژدبوونا زیدانی ل سەر گرنگیدان ب یاریزانێن خۆ،وەکر کو یانا شاهانە واز ژ بیرۆکا کرینا پاولۆ دیبالای بینیت.
