ریال مەدرید چێلسی نەچار کر ھزر ل ئینانا ستێرەکا بەرشەلۆنا بکەت
ئەڤرۆ نیوز:
یانا چێلسی یا ئنگلیزی وەکو پێگوھور ھزر ل ئینانا ستێرەکا یانا به‌رشه‌لونا کریه ھەکە ستێرا وێ یا بەلجيكى هازارد پێکھاتیێ وێ یانێ ل هاڤینا بهێت ب جهـ بهێلت کو ده‌نگوباس وه‌سا دیاردکه‌ن دێ ل دووماهیا ڤی وه‌رزی هازارد هه‌ڤبه‌ستا ریال مه‌درید ئیمزا که‌ت.
رۆژناما دیلی ئەکسپریس یا برێتانی دیارکریە یانا چێلسی ١٠٠ ملیون جینێ ئیسترلینی بەرھەڤکرینە بوو ڤەگوھاستنا ستێرا بەرازیلی و ھێلا ناڤینا بەرشەلۆنا ڤلیبى کوتینھو بوو ھاڤینا بھێت .
ئەوێ رۆژنامێ ئاشکراکریە ژی رێیا دەستڤە ئینانا ئەڤی یاریزانی بوو یانا چێلسی یا ب سانەھی نابیت ژبەر ھەردو ھەڤرکیێن وێ یانێن مانچێستەر یوناید و یانا وی یا بەری نوکە لیڤەرپول جارەکا دی بەرھەڤیا خوە دیارکریە بوو ڤەگەراندنا وی.
ھەژی گوتنێ یە کوتینھو ل ڤەگوھاستنێن زڤستانا بوری ھەڤبەستا بەرشەلۆنا ئیمزاکربوو لێ ل وەرزێ ئەڤ سالە راھێنەرێ وێ یانێ وەکو یاریزانەکێ یەدەگ سەرەدەری ل گەل دکەت و ھەر ژبەر وێ چەندێ ئەو یاریزان دخوازیت پێکھاتیێ یانا بەرشا ب جهـ بھێلت بەر ب یانەکا دی بچیت وەکو یاریزانەکێ سەرەکی یاری بکەت
