ریال ھەڤبەستا یاریزانەکێ خۆلا پلا سێ ئیمزا کر
ئەڤرۆ نیوز:
یانا ریال مەدرید ب فەرمی ھەڤبەستا خوە یا ئێکێ ل ڤەگوھاستنێن زڤستانێ راگەھاند پشتی کارگێریا یانا مەلەکی ل گەل یانا میلیلە یا ئیسپانی گەھشتی یە رێککەفتنێ بۆ ئیمزاکرنا یاریزانێ وێ یێ مەغربی محەمەد مزیان.
رۆژناما مارکا دیارکریە یانا ریال مەدرید یانا ب فەرمی گەھشتە رێککەفتنێ ل گەل یانا میلیلە بوو ڤەگوھاستنا یاریزانێ وی محەمەد مزیان ب شێوەیێ خواستن ھەتا دووماھیا ڤی وەرزی.
ئەوێ رۆژنامێ ئاشکرا کریە ژی محەمەد مزیان ل یاریێن قوناغا دوێ ژ خۆلا لالیگا پشکداری ل گەل تیما ئێکێ یا یانا ریال مەدرید نابيت بتنێ دێ ل گەل تیما دوێ یا یانا ریال مەدرید کەت و ل دیڤ گوتنا ئەوێ رۆژنامێ دی ئەو یاریزان ل بن چاڤدرێریا بەرپرسێن یانا ریال مەدرید دا بیت و ھەکە ل گەل تیما کاستیا یا ریال ئەو شیا ئاستەکێ باش پێشکێش بکەت ل وی دەمی یانا ریال مەدرید ل دووماھیا ڤی وەرزی دێ ھەڤبەستا ئەوی درێژ کەت بوو ماوێ سێ سالان .
ھەژی گوتنێ یە محەمەد مزیان یێ ١٨ سالی ل گەل یانا خوە میلیلە ل وەرزێ ئەڤ سالە دخۆلا پلا سێ یا ئیسپانیا دا شیابوو ئاستەکێ بلند پێشکێش بکەت تایبەت ل ھەردو یاریێن یانا ئەوان ل گەل ریال مەدرید د قارەمانیا کاسا شاھێ ئیسپانیا دا و ھەر ژ بەر وی ئاستێ وی یاریزانى ل ماوێ بورى ببو جھێ گرنگیا چەند یانێن ئیسپانی.
