رێزبەندیا وان وەلاتێن ل جیهانێدا پاسپۆرتان دفرۆشن
ئەڤرۆ نیوز ، زنار تۆڤی:
تۆرا میدیایی یا بلومبێرگ یا ناڤدارا جیهانی رێزبەندیا وان وەلاتان ئاشكرا كریە یێن کو ل جیهانێدا پاسپۆرتان دفروشنە وەلاتیان، ئەڤە ژی ب رێیا وەبەرهێنانێ و دانانا گۆژمەکێ دیارکری یێ پارەی د بانكێن واندا.
وی مالپه‌ری نڤێسیە کو بهایێ پاسپۆرتان ل وەلاتەکێ بۆ وەلاتەکێ دیتر یا جۆدایه، بۆ نموونه ل هندەک وەلات بهایێ وێ دگەهیته چەند ملیۆن دۆلاران و ل هندەك وەلاتێن دیتر پاسپۆرت ب چه‌ند هزار دۆلاران دهێتە فرۆتن.
هەروەسا گۆتیە، ل وەلاتێ نه‌مسا ل سالا 1985 قانوونەک دەرکەفتیە، کو هه‌ر بازرگانەکێ بشێت ب بهایێ 23.7 ملیۆن دۆلاران وه‌به‌رهێنانی ل وی وەلاتی بكەت، دێ شێت پاسپۆرتا نەمسایی وەرگریت، هەروەسا دوورگه‌یا قوبرسا یۆنانێ ب گۆژمێ 2.3 ملیۆن دۆلاران دێ شێی پاسپۆرتێ وەرگری.
هه‌ر ئێك ژ دورگه‌یێن مالتا و وەلاتێ توركیا ژی پاسپۆرتێ ددەنە هەر كه‌سەکێ بشێت بهایێ یه‌ك ملیۆن دۆلاران وه‌به‌رهێنانێ ل وان هەردو وەلاتان بكەت.
هه‌روه‌سا دوورگه‌یا سانت كیتس ونیفیس ب گوژمێ 150 هزار دۆلاران پاسپۆرتێ ددەن، دیسا دوورگه‌یا سان لوسیا و دۆمێنیكا ژی ب گۆژمێ 100 هزار دۆلاران پاسپۆرتێ ددەن.
