رێكخراوا ساخله‌ميا جيهانى ئاماره‌كا مه‌ترسيدار به‌لاڤ دكه‌ت
ئه‌ڤرۆنيوز:
رێكخراوا ساخله‌ميا جيهانى يا ب سه‌ر نه‌ته‌وێن ئێكگرتى ڤه، ئه‌ڤرۆ ئه‌ينى 15/12/2017 چه‌ند ئاماره‌ك به‌لاڤكرن كو ئاماژێ ب وێ چه‌ندێ دكه‌ن ساخله‌ميا مرۆڤان يا دمه‌ترسيێ دا.
رێكخراوا ناڤبرى ل سه‌ر به‌رپه‌رێ خوه ل تويته‌رى به‌لاڤكريه” ل سالا 2015 وه‌لاتێن جيهانێ 7.3 ترليۆن دۆلار ل ساخله‌ميێ مه‌زاختبوون”.
رۆهنكر ژى”نێزيكى 800 مليۆن كه‌س ب كێمێ 10% ژ بودجا ژيانا خوه بۆ بده‌ستڤه‌ئينانا ژاڤدێريا ساخله‌مى دمه‌زێخن”.
ديار دكه‌ت ژى” نێزيكى 180 مليۆن كه‌س چارێكا بودجا خوه بۆ مه‌زاختيێن ساخله‌مى ژ به‌ريكا خوه ته‌رخان كريه، ئه‌ڤ ته‌خه ژى سالانه 5% زێده دبيت”.
رێكخراوا ساخله‌ميا جيهانى زێده‌تر دبێژيت” نێزيكى 100 مليۆن كه‌سان يێن دبن ئاستێ هه‌ژاريا مه‌ترسيدار دا، ئانكو رۆژانه كێمتر ژ دو دۆلاران يێن هه‌ين، هه‌ڤده‌م دڤێت مه‌زاختيێ ساخله‌ميا خوه ژى ب هه‌لگرن”.
