رێكخراوەکێ دو قوتابخانه ل ڤێ ده‌ڤه‌رێ ئاڤاكرن
ئه‌ڤرۆ نیوز، نه‌وزاد هلۆرى:
رێكخراوا GIZ یا ئه‌لمانى دوو قوتابخانە ل سنوورێ ناحیا دینارته یا سه‌ر ب قه‌زا ئاكرێ ئاڤاكرن.رێڤه‌به‌رێ ناحیا دینارتێ ژى دیاركر كو قوتابخانه‌كا دى ژى بۆ ئێك ژ گوندێن دى ژلایێ هەمان رێکخراو دهێته ئاڤاكرن
شه‌عبان خه‌لیل، رێڤه‌به‌رێ ناحیا دینارته بۆ ئه‌ڤرۆ نیوز گۆت: (هه‌ر ئێك ژ قوتابخانێن ئه‌رتوون ژوورى و هه‌شتكا ژێرى چو سالوخه‌تێن قوتابخانێن سه‌رده‌م نه‌بوون و ب ئاخێ هاتبوونه ئاڤاكرن و ره‌وشا قوتابى و ماموستا و خواندنێ گه‌له‌ك یا خراب بوو، ژبه‌رڤێ چه‌ندێ رێكخراوا GIZ یا ئه‌لمانى رابوو ب خراپکرن و دووباره ئاڤاكرنا هه‌ردو قوتابخانان ب شێوه و ستایله‌كێ نوو و سه‌رده‌م).
زێده‌تر گۆت: (ئه‌و قوتابخانه پێكهاتینه ژ سێ رێزان ل گه‌ل رێڤه‌به‌رى و جهێ ماموستا و ده‌ستشویان، دیسان قوتابخانه‌كا دى ژى ب هه‌مان شێوه ل ده‌ڤه‌رێ ژلایێ رێكخراوا ناڤبرى ڤه دهێته ئاڤاكرن ول ده‌مه‌كێ نێزیك ئه‌و ژى دێ ب دووماهى هێت، كار بو چێكرنا هه‌موو قوتابخانێن دى یێن كه‌ڤن دهێته‌كرن داكو باشترین خزمه‌ت بۆ ماموستا و قوتابیان بهێته‌كرن).
