رێكخستنا چه‌كداری یا به‌در ئالییه‌ك ب په‌قینا خورماتوو سووچبار كر
ئه‌ڤرۆ نیوز:
رێكخستنا چه‌كداری یا به‌در ل ئیراقێ به‌رپرسیارییا هێرشا خورماتوو ئێخسته ستوویێ (وان كه‌سێن بزاڤ كری حه‌شدا شه‌عبی ژ ناڤه‌ندا تكریتێ بده‌رێخن).
محه‌مه‌د مه‌هدی به‌یاتی، به‌رپرسێ تایه‌كێ به‌در گۆت: هێرشا تیرۆرستی ل خورماتوو چێبوو پشتی هنده‌ك ئالییان بزاڤ كری حه‌شدا شه‌عبی ژ ناڤه‌ندا تكریتێ بده‌رێخن.
به‌یاتی هۆشداری دان كو گه‌ر دژه‌تیرۆر ژ كه‌ركووكێ بهێته ده‌رخستن دێ په‌قین و هێرشێن ب ڤی جۆری ل ناڤه‌ندا كه‌ركووكێ ژی چێبن.
ژ سه‌ده‌مه‌ێ په‌قینه‌كێ ل خورماتوو 17 كه‌س هاتن كوشتن 36 ژی برینداربوون، ئه‌ڤ په‌قینه پشتی كۆنترۆلكرنا خورماتوو ژ ئالیێ حه‌شدا شه‌عبی ڤه و ده‌رخستنا كوردان و هێزێن كوردی ژ وی باژارێ كوردستانی یه.
