رێكکه‌فتنا سیستەمێ بەرگریێ یێ دناڤبەرا توركیا و رووسیا دا هاتە هه‌لوه‌شاندن
ئەڤرۆ نیۆز،زنار تۆڤی:
پێشتر ئاژانسێن نووچەیان بەلاڤەکربوون،کو توركیا و رووسیا رێككه‌فتینە ل سه‌ر هندێ کو رووسیا دێ سیسته‌مێ مووشه‌کێن به‌رگریێ یێن (ئێس 400) بۆ توركیا دابین کەت،ره‌جه‌ب ته‌ییب ئه‌ردۆگانی ژی ب فه‌رمی ئاماژه دابوو هندێ کو كارێن دانانا ڤی سیسته‌می دێ چیتە وارێ جێبه‌جێكرنێ،بەلێ ئەو رێكەفتنە هاتە هەلوەشاندن.
ئه‌ڤرۆ سێشەمبی د نووچەکێ مالپەرێ (سپۆتنیك) ێ رووسی دا هاتیە بەلاڤەکرن،کو ئه‌و رێككه‌فتنا مەزن یا دناڤبەرا وان هەردو وەلاتان دا هاتە هەلوەشاندن،به‌لێ ڤێ چەندێ ل خه‌لكی ڤەدشێرن
.
هەروەسا گۆتیە کو ژ ژێدەرەکێ باوەرپێکری زانیاری بۆ هاتینە کو توركیا و رووسیا ل سه‌ر چه‌ند خالان نه‌گه‌هشتینە رێككه‌فتنێ.
سیسته‌مێ به‌رگریا مووشه‌كێن (ئێس 400) کو ژ لایێ رووسیاڤه هاتبوو ئاماده كرن بۆ هندێ ل توركیا بهێتە جێگیر کرن،کو تێچوویا وان مووشه‌كان ژی 4 ملیار دۆلارێن ئه‌مریكی بوون،بەلێ له دەمێ سه‌رەدانا پۆتینی بۆ توركیا،پۆتینی گوتیە ئه‌ردۆگانی كو كۆدێ وی سیسته‌می نادەینە توركیا.
وی مالپەری بەلاڤکریە کو رووسیا گوتیە ئەو كۆدێ وی سیسته‌مێ به‌رگریێ یێ مووشه‌كێن (ئێس 400) ب هیچ شێوه‌یه‌كێ ناده‌نه توركیا، به‌لکو دێ مینیتە ل لایێ رووسیا ڤە،هەروەسا رووسیا دێ ژلایێ خوە ڤە وی سیسته‌می ل توركیا ب كارئینیت.
ب ڤێ چەندێ توركیا ب وێ داخوازیا رووسیا توورە بوویه و ب ڤێ چەندێ ژی ئەو رێككه‌فتنە ناچیته وارێ جێبه‌جێكرنێ.
