رێنمايه‌ك بۆ فه‌رمانبه‌رێن وه‌زاره‌تا ئه‌وقافێ
ئه‌ڤرۆ نيوز:
وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ راگه‌هينيت كو هه‌ر فه‌رمانبه‌ره‌كێ وان يێ بۆ مه‌ره‌ما خواندنێ بچيته ژ ده‌رڤه‌ى وه‌لاتى پێدڤيه كارێ خوه راده‌ستى فه‌رمانگه‌ها ئه‌وقافێ ل سنورێ خوه بكه‌ت.
مه‌ريوان نه‌قشه‌به‌ندى، به‌رپرسێ راگه‌هاندنێ ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، گۆت: “ب گۆره‌ى رێنمايێن ده‌رفه‌تا خواندنا ژ ده‌رڤه‌ى وه‌لاتى، ب راسپاردا وه‌زيرێ ئه‌وقافێ ئه‌و قه‌رمانبه‌ر و مامۆستايێن ده‌رفه‌تا خواندنێ ل ژده‌رڤه‌ى وه‌لاتى وه‌ردگرن پێدڤيه ب تمامى پابه‌ند بن ب وێ ده‌رفه‌تا پێ هاتيه دان و سنورێ خوه يێ كاركرنێ راده‌ستى ئه‌وقافێ ل سنورێ خوه بكه‌ن و فه‌رمانگه‌هـ ب خوه دێ گۆتارخوينه‌كێ دى ب وێ مزگه‌فتێ راسپێريت يان هه‌ر كاره‌كێ دى بيت”.
نه‌قشه‌به‌ندى زێده‌تر گۆت: “نابيت د ماوێ مۆله‌تێ دا ل جهێ كارێ خوه ل كوردستانێ يێ به‌رده‌وام بيت و ل ده‌مێ ب دووماهى هاتنا خواندنا وى ژى مه‌رج نينه ل هه‌مان جهێ به‌رى بچيته ژ ده‌رڤه بۆ مه‌ره‌ما خواندنێ كار بكه‌ت، به‌لكو فه‌رمانگه‌ها ئه‌وقافێ دێ سنورێ كارێ وى ل دووڤ پێدڤياتيێ بۆ ده‌ستنيشان كه‌ت”.