رێنمایێن نوو دێ بۆ کارگەھێن کواشێ ھێنە دانان
ئەڤرۆ:
رێڤەبەرێ فەرمانگەھا ژینگەھێ ل دھۆکێ بۆ ئەڤرۆ دیار کر کو لیژنا دوڤچوونا کارگەھێن دەڤەرا کواشێ دوھی 19\1\2015 د سەرەدانەکا مەیدانی دا سەرا چەندین کارگەھان دا و دێ رینمایێن ژینگەھێ و ساخلەمیی و چاندنی و باژێرڤانیێ و ئاڤدێریێ ھێنە دانان و سەپاندن ل سەر ھەموو کارگەھان.
ئیدریس مەجید کەریم رێڤەبەرێ فەرمانگەھا ژینگەھێ ل دھۆکێ خویا ژی کر کو لیژنە ب سەرۆکاتیا قائیمقامی قەزا سێمیلێ و نوونەراتیا ھەموو دامودەزگەھێن پەیوەندیدار ھاتیە دروستکرن و ئارمانج ژێ ئەو ھەموو کارگەھێن کواشێ ل دووڤ رێنمایێن پێدڤی کاری بکەن و گۆت “پشتی لیژنێ سەرەدانەکا مەیدانی ئەنجام دای ھەموو گەھشتنە وێ باوەریێ کو رۆژەکێ دەستنیشان بکەن بۆ سازدانا کۆمبوونەکێ و تێدا رێنمایێن نوو و پێدڤێ بھێنە دانان بۆ ھەموو کارگەھان و ئێدی کارگەە ل دووڤ وان رێنمایان کارێ خوە بکەن”.
ناڤبری ئەژوی خویا کر کو پشتی رێنما و مەرج دھێنە دانان و بەلاڤکرن ل سەر کارگەھان، ئەو کارگەھێن سەرپێچکار کو دبنە ئەگەرێن تێکدانا ژینگەھێ ل دەڤەری دێ ماوەیەکێ کورت ھێتە دان بۆ کارگەھان کێماسیێن خوە چارە بکەن و بەرۆڤاژی دێ لیژنە کارێن توند بەرامبەر کارگەھێن نەپیگیر وەرگریت”.
