رێژا بارانێن ئەڤ سالە ژ پار ڤی دەمی کێمترە
ئه‌ڤرۆ نیوز، مه‌حمود نهێلى:
به‌رپرسێ پشكا كه‌شناسیا ئامێدیێ بۆ ئه‌ڤرۆ نیوز دیاركر، تا نوکە رێژا بارانێن ئەڤ سالە پتر ژ ۳۰۰ ملیمان ژ رێژ پار ڤی دەمی کێمترە ، کو پار تا ڤی دەمی ۹٤۸ ملیمێن بارانێ باری بوون و ئەڤ سالە بتنێ ٦٤٦ ملیمێن باڕانێ بارینە.
هاشم یه‌حیا به‌رپرسێ كه‌شناسیێ ل ئامێدیێ بۆ ئه‌ڤرۆ نیوز دیاركر، رێژا بارانێن سه‌نته‌رێ قه‌زا ئامێدیێ د 24 ده‌مژمێرێن بورى دا ۲۷ ملیم بوون سەرجەمێن ئەڤ سالە گه‌هشتیه ٦٤٦ ملیمان و گۆت: ل سه‌رسنكی ۷٦۷ ملیمێن بارانێ و ل چه‌مانكێ ۷٥۷ ملیم و ل دێره‌لۆكێ ٦٤۲ ملیم و ل كانى ماسێ ژى ٦۷۳ ملیم باران باریه و ل بامه‌رنێ ژی ٥٦۰ ملیمێن بارانێ بارینە. و خویاكر، كو ل ئامێدیێ 154 سه‌نتیمێن به‌فرێ و سه‌رسنكى 119 سه‌نتیم ، ل دێره‌لۆكێ 28 سه‌نتیم ، كانى ماسێ 308 سه‌نتیم ، ل بامه‌رنێ 108 سه‌نتیم و ل چەمانکی ژى 148 سه‌نتیمێن به‌فرێ د هه‌یاما ئه‌ڤ ساله دا بارینه. ناڤهاتی تەکەژ کر ، رێژا پار ڤی دەمی گەلەک پتر بوویە ژ رێژا پار ڤی دەمی.