رێکا دەربابوونا ھەردو یانێن گارە و دھۆک بۆ چار گوشا زێرین بزانە
ئەڤرۆ نیوز، ھەژار مەعروف:
پشتی تیما تەپا پێ یا گارە د یاریا دوھی دا شیای سەرکەفتنێ ل سەر یانا دھۆک توماربکەت شیا ھیڤێن ڤەگەراندنا خوە بۆ دەربازبوونا چار گوشا زێرین گەش بکەت، دڤێ کومێ دا نوکە پێنج یانا ھەڤرکیا دو پلیتێن دەربازبوونێ کەن کو سەرکێشا کومێ یانا پێشمەرگە ١٤ خال ھەنە و دھۆک رێزا دوێ ١٣ خال گارە رێزا سیێ ١٢ خال و نەوروز رێزا چارێ دھێـت ب ١١ خالا و برایەتی رێزا پێنجێ ب ١٠ خالان .
وەسا دھێتە چاڤەرێکرن دبیت سەرکەفتنا گارە یا دوھی د بەرژوەندیا ھەردو یانا دا بیت لێ ب مەرجەکی ھەردو یانا د یاریێن بھێت دا بشێن سەرکەفتنێ توماربکەن و ھەر ئەنجامەکێ نە چاڤەرێکری ھەردو یانا دێ بێ باربن ژ دەربابوونێ و ھەردیسان ل یاریا بھێت ھەکە دھۆک سەرکەفتنێ توماربکەت و گارە خوسارەت بیت ل گەل نەوروز دێ ئەرکێ یانا دھۆک ب حمەت کەڤیت ژبەرکو دھۆک دێ یاریا دووماھیێ ل گەل نەوروز کەت ل یاریگەھا نەوروز.
ب ڤی شێوەی ھەردو یانێن گارە و دھۆک دێ دەربازبن
دھۆک و گارە ھەکە شەش خالان ل یاریێن بھێت دا ب دەستخوڤە بینن ھەردو یانا پێکڤە دێ دەربازی چار گوشا زێرین بن.
ھەردیسان ژی دھۆک گارە ب چار خالان دێ دەربازبن لێ ب مەرجەکێ سولاڤ ل یاریا بھێت ل گەل پێشمەرگە ل یاریگەھا وێ وەکھەڤ بیت و ھەردو یانێن گارە و دھۆک ل یاریێن بھێت سەرکەفتنێ توماربکەن و ل یاریا دووماھیێ وەکھەڤ ژی بن دێ دەربازبن.
مەترسیا نەچوونێ بزانە
ل یاریا بھێت ھەکە نەوروز سەرکەفتن ل سەر گارە تومارکر دێ مەترسی ئێختە سەر یانا دھۆک ژی و سەرکەفتنا پێشمەرگە ل سەر سولاڤ دێ گارە ژ ھەڤرکی دەرکەفیت و دھۆک کەڤیتە د مەترسیێ دا ژبەرکو دێ یاریا دووماھیێ ل گەل نەوروز کەت و دبیت ھەردو یانێن پارێزگەھێ دەربازنەبن ب ئەوان ئەنجامان.
