رێکا دەربازبوونا زێرەڤانی و زاخۆ بۆ چار گوشا زێرینا کوردستانێ بزانە
ئەڤرۆ نیوز:
پشتی ئەڤرۆ ھەردو نوونەرێن پارێزگەھا دھۆکێ دخولا فاستلینکا کوردستانێ دا شیان سەرکەفتنێ توماربکەن د یاریێن گەرا شەشێ دا تیما زاخۆ ھیڤێن خوە گەشکرن بۆ دەربازبوونێ بۆ چار گوشا زێرین پشتی شیا سەرکەفتنەکا گرنگ ژ دەرڤەی یاریگەھا خوە توماربکەن ل سەر یانا ھندرین ب گولەکێ بێ بەرامبەر و خالێن خوە گەھاندنە ١٦ خالان و تیما زێرەڤانی مانا خوە دخولێ دا مسوگەر کر پشتی شیای سەرکەفتنەکا گرنگ ل سەر یانا کەرکوک توماربکەت ب گولەکێ بێ بەرامبەر.
رێکێن دەربازبوونا زاخۆ بۆ چار گوشا زێرین بزانە
تیما زاخۆ ب سەرکەفتنێ ل سەر زێرەڤانی ئێکسەر دێ دەربازی قوناغا چار گوشا زێرین بیت ھەردیسان زاخۆ ب وەکھەڤیێ بەرامبەر ھەردو یانێن شێروانە د یاریا بەرامبەر ھەولێرێ و ئارارات د یاریا ل گەل ھندرین سەرکەفتنێ تومارنەکەن .
رێکا دەربازبوونا ھەلگرا ھەر سێ ناسناڤێن بوری یانا زێرەڤانی بزانە ھەر چەندە ھەتا رادەیەکێ مەزن دەربازبوونا وێ یا ب زحمەتە.
زێرەڤانی پێدڤی ب سەرکەفتنێ یە ل سەر زاخۆ ب جوداھیا زێدەتر ژ گولەکێ ھەردیسان ھەردو یانێن شێروانە و ئارارات د یاریێن خوە یێن بھێت دا سەرکەفتنێ تومارنەکەن یان وەکھەڤ بن یان خوسارەت بن.
ھەلویستێ کوما ئێکێ پشتی یاریێن گەرا شەشێ یێن قوناغا دوێ ب ڤی رەنگی یە
ھەولێر ١٩ خال دەربازبوونا خوە بۆ چار گوشا زێرین مسوگەر کر
زاخۆ ١٦ خال
کەرکوک ١٥ خال یاریێن وێ ب دووماھی ھاتن دەلیڤەیا دەربازبوونێ نەمایە
ئارارات ١٤ خال
شێروانە ١٤ خال
زێرەڤانی ١٣ خال
ھندرین ٩ خال مدێ یاریەکا چارەنڤێسی ھەمبەری سولاڤ کەت بۆ دەست نیشانکرنا تیمەکێ بۆ پاشڤەزفرینێ بۆ خولا پلا ئێک
