رێککەفتن ل گەل زاخۆ کر و پشرا ھەڤبەستا تەلەبە ئیمزاکر
ئەڤرۆ نیوز، ھەژار مەعروف:
یاریکەرێ یانا بەغدا و ھەلبژارتیێ عیراقێ یێ بەری نوکە موسەنا خالد پشتی ل دەستپێکا ڤی وەرزی ژ ھنگافتنێ ڤەگەریا و شیای ئاستەکێ باش ل گەل یانە خوە د یاریێن بوری دا پێشکێش بکەت و ببو جھێ گرنگیا چەندین یانێن بەرنیاس ل عیراقێ .
ژێدەرەکێ نێزیک ژ یانا زاخۆ بۆ ئەڤرۆ نیوز دیارکر ئەوان رێککەفتن ل سەر ھەمی بەندێن ھەڤبەستێ ل گەل یاریکەرێ ناڤبری کر بوو، یاریکەری بۆ کارگێریا یانا زاخۆ دیارکر بوو ئەو دەست بەردانا خوە ژ یانا بەغدا وەربگریت دێ ئێکسەر پەیوەندی ب یانا زاخۆ کەت لێ پشتی یاریکەری ناڤبری دەست بەردانا خوە وەرگرتی یاریکەرێ ل سوزا خوە پەشێمان بۆ ھەڤبەستا یانا تەلەبە ئیمزاکر .
