رێ ب یاریزانەکێ کورد نەھاتە دان پشکداریێ ماراسونەکێ ببیت
ئەڤرۆ نیوز،عەلی حاجی :
خەلیل ئیبراھیم،کورێ باژێرئ سێمێلێ،یاريزانێ ماراسونێ،ب مەرەما پشکداریکرنێ د ماراسونەکێ دا ل وەلاتێ تورکیا،رێ پێ نەھاتە دان پشکدار ببیت،بریار دا جارەکادی ڤەگەریتە کوردستانێ.
خەلیل ئیبراھیم، بۆ ئەڤرۆ نیوزدياركر كو ب مەرەما پشکداریکرنێ د ماراسونا نێڤدەولەتیا ئیستانبولێ دا،ماوەیێ دو رۆژایە ئەز ل وەلاتێ تورکیا،پشتی گەھشتيمە جھێ ماراسونێ،من داخوازا کودێ پاسەپورتا خوە کری ب مەرەما پشکداریکرنێ د وێ ماراسونا نێڤدەولەتی دا،داکو ژمارەیەک ب من بھێتەدان و پشتی من ب شێوەیەکێ فەرمی ب رێیا ئونلاینێ ناڤێ خوە تومار کری،رێکخەرێن وێ ماراسونێ ئامادە نەبوون وی کودی ب دەنە من،بو من دیار کرن ژی ھەکە تە بڤێت پشکداری ماراسونێ ژی ببی،ئەم چو ژمارەیان ب تە نەداین.
گوت ژی ” بەھانەیا رێکخەرێن وێ ماراسونێ ئەو بوویە کو ب رێیا بانکێ من پارێ خوە نەدایە،بەلێ ھەمی ماراسون ب ڤی رەنگی نە کو ھەر دەما یاریزانی هژمارا خوە وەرگرت، دێ ژنوو پارێ پشکداریا خوە دەت”.
زێده‌تر گۆت” رێکخەرێن ماراسونێ بۆ من دیار کرن ژی کو وان پێزانین ل سەر وی يێن هه‌ين و جارا بۆرى من شیا بوو رێزا ئێکێ ل سەر ماراسونەکێ ل باژێرێ ئیستانبولێ ب دەست خوەڤە بینم، ئەو ب رەفتارا دگەل من ھاتیە کرن،دگەل چو کەسەکێ نەھاتیە کرن،ب راستی ژی ئەز بۆ ب دەست ڤە ئینانا رێزا ئێکێ بەرەڤ باژێرێ ئیستانبولێ چبووم ،بەلێ د نوکە دا ئەز نەچارم ڤەگەرم کوردستانێ و پشکداریێ د وێ ماراسونێ دا نەکەم”.
