رەنگە سولفا خانیان ببیتە ٥٠ ملیۆن دینار
وەزیرێ ئاڤەدانکرنێ و ئاکنجیکرنێ یێ عیراقێ دیار کر پێشنیاز ھەیە بۆ پێشخستنا سندۆقا ئاکنجیکرنێ کو ژمارەکا زێدەتراوەلاتیان مفای ژێ ببینن و گۆت “مە پێشنیاز ژی کریە کو سولفا خانیان ژی ژ ٣٥ ملیۆنان بکەنە ٥٠ ملیۆن و زەڤیێن ١٠٠ مەتری ژی ب خوەڤە بگریت.
تارق خیکانی وەزیرێ ئاڤەدانکرنێ و ئاکنجیکرنێ یێ عیراقێ د بەیاننامەکێ دا دیار کریە کو د ماوێ دو حەفتیێن بۆری دا دووڤچوون بۆ کەتوارێ وان پرۆژان کریە کو ژ ئالیێ وەزارەتا وان ڤە دھێنە بجھکرن، لەورا نھا ھزرەکا تێروتەسەلا ستراتیژی بۆ بەرفرەھکرنا پرۆژێن ئاکنجیکرنێ ل جەم دروست بوویە و گۆت “چەندین پێشنیاز بۆ بەرفرەھکرن و گەشەپێدانا کارێن وەزارەتا مە د رۆژەڤێ دانە، کو د بەرژەوەندیا وەلاتیان دانە، ب ئاوایەکی ژمارەکا زێدەر یا وەلاتیان دێ مفای ژێ بینن”.
وەزیری ئاڤەدانکرنێ و ئاکنجیکرنێ خویا ژی کر کو ئێک ژ وان پێشنیازان ئەوە کو سولفا خانیان ژ ٣٥ ملیۆنان ببیتە ٥٠ ملیۆن دینار، ھەروەسا وان کەسان ژی ڤەگریت کو خودان زەڤیێن ١٠٠ مەترینە، کو بەری نھا ئەو نەدشیان مفای ژ سولفا خانیان وەرگرن.
