رەوشا یانێن کوردی دخولا تورکیا دا بزانە
ئەڤرۆ،ھەژار مەعروف:
پشتی یاریێن خولا پلا دو سێ و بالیگی لیک یا تورکی ب دووماھی ھاتین یێن وەرزێ ٢٠١٦-٢٠١٧ کو ھژمارەکا مەزن یا یانێن باکورێ کوردستانێ د ئەوان ھەرسێ خولان دا پشکدارن و دخولا پلا دو یا تورکیا دا یانا ئامەد ب جوداھیا خالەکێ نەشیا دەربازبوونا خوە ئێکسەر بۆ خولا پلا ئێک مسوگەر بکەت و دێ یاریێن پلەی ئوڤ کەت و ھەمان دەم دا دیاربەکر سپور ژی پلەی ئوڤ بۆ دەربازبوونا خولا پلا دو کەت و چار یانە پاراستنا خوە دخولێ دا.
یانا ئامەد پشتی نەشیای دەبازبوونا خوە بۆ پلا ئێک ب پلێتا ئێکسەر مسوگەر بکەت و دەربازی قوناغا پلەی ئوڤ کەت بۆ دەربازبوونێ کو ھەشت یانە دەربازبووینە دێ شەری بۆ پلێتەکا دەربازبوونێ کەن و نوونەرا باکورێ کوردستانێ بریارە دو یاریان ب شێوەیێ ھاتنو چون ل قوناغا ئێکێ یا پلەی ئوڤ بەرامبەر یانا بەلدیە سیڤا سپور بکەت ئەوژی بریارە سوباھی یاریا ئێکێ ل باژێرێ سیڤاس بھێتەکرن و یاریا دوێ پشتی چار رۆژان بھێتە ئەنجامدان .
د یاریێن خولا پلا سێ دا دیاربەکر سپور ژ کوما سێ بۆ سالا چارێ ل دویڤ ئێک گەھشتە قوناغا پلەی ئوڤ بۆ دەربازبوونێ بۆ خولا پلا دو کو ل سێ سالێن بوری نەشیا ژ ڤێ قوناغێ دەربازبیت ئەڤ سالە ژی بریارە دو یاریا ئەنجامدات بەری ب گەھیتە یاریا دووماھیێ کو بریارە سوباھی یاریا ئێکێ ھەمبەری دەرەنچە بکەت و پاش ب چار رۆژان یاریا دوێ ئەنجام دەت و د ھەمان کوم دا یانا بنگول ١٢ د پشکداریا خوە یا ئێکێ دا ل وەرزێ ئەڤ سالە شیا پاراستنا خوە د خولا پلا سێ دا مسوگەر بکەت پشتی ٣٥ خال ژ سەرجەمێ ٣٤ یاریان کومبکەت و ھەردو نوونەرێن باکورێ کوردستانێ د کوما دوێ دا دێرسم سپور نەشیا پاراستنا خوە دخولی دا بکەت و پاشڤەزفری خولا پلا چار و یانا باتمان پەترول سپور ب کومکرنا ٤٣ خالان ژ سەرجەمێ ٣٤ یاریان بۆ وەرزەکێ دی ژی ما دخولا پلا سێ دا و ل یاریێن کوما ئێکێ دا ھەردو یانێن جزیرە سپور و ڤان سپور ژی پاراستنا خوە کر دخولێ دا .
د یاریێن خولا بالیگی لیگ دا کو دھێتە ھژمارتن خولا پلا چار ل سەر ئاستێ وەلاتێ تورکیا نوونەرا باکورێ کوردستانێ یانا ماردین سپور وەکو قارەمانا کوما باکورێ کوردستانێ دەربازی قوناغا پلەی ئوڤ بوویە
