زاخۆ بۆ تۆماركرنا دیرۆكێ ل نهجهفه
ئهڤرۆ، عهلی حاجی:
چاڤهڕێ دهێته كرن ئهڤرۆ ل دهمژمێر حهفتی شهڤ تیما یانا زاخۆ نوونهرا پارێزگههێ و كوردستانێ د قارهمانیا جاما ئیراقێ یا تهپا پێی دا یاریهكا گرنگ بۆ تۆماركرنا دیرۆكهكا نوو ههمبهری یانا كارهبا بیت ژ چارچووڤێ قۆناغا پێش دووماهیا قارهمانیێ دا ئهوا دێ ل یاریگهها نهجهف یا نێڤدولهتی هێته كرن.
لدور دووماهی بهرههڤیێن كوڕێن خابووری بلند شهفیق سهرۆكێ یانێ د داخویانیهكێ دا بۆ رۆژناما ئهڤرۆ گۆت: وهكو كارگێری ههر تشتهكێ پێدڤی بۆ یاریزانان و تیمێ هاتینه بهرههڤكرن ژ دانانا مووچه و شایستهیێن یاریزانان و دابینكرنا باشترین هۆتێل و خزمهتگۆزاری پێخهمهت شاندنێ تیمێ ب ههموو لایانڤه بێ كێماسی بیت، پێنگاڤێن باش هاتینه هاڤێتن كو یاریزان ژلایێ دهرۆنی و ئاستی یێ بهرههڤبیت ههموو ژی ژبهر وێ یهكێ كو د یاریا ئهڤرۆ دا تیما مه بشێت دهستكهفتهك و دیرۆكهكا نوو تۆماربكهت و تیما مه بۆ جارا ئێكێ د دیرۆكا خوه دا بهر ب یاریا دووماهیا قارهمانیێ ببهن و ئارمانجا خوه ژی بجه بینن كو ناسناڤێ قارهمانیێ دهستخوهڤه بینن ئهڤه ژی هیڤی و ئۆمێدێن مه و جهماوهرێ زاخۆ یه وهكو نوونهرا كوردستانێ ژی ب سهربلندی تۆماربكهین.
ناڤهاتی گۆت ژی: ژبهر گرنگیا ڤێ یاریێ ئهز ب خوه ژی ل گهل شاندێ تیمێ مه ژبۆ راوهستیان ل سهر ههر كێماتیهكێ و ههر تشتهكێ پێدڤی بهرههڤبكهین و زاخا یاریزانێن خوه بهردهوام بلندبكهین، گهشبینم ب یاریزانێن تیمێ دێ شێن دهستكهفتهكی تۆماركهن و ههموو ژی رژدن بۆ ئهڤێ ئارمانجێ.