زاخۆ بێ خال ژ به‌غدا زڤرى
ئه‌ڤرۆنيۆز:
دچارچۆڤێ گه‌را چارێ ژخۆلا عيراقێ يا پلا ناياب، ئه‌ڤرۆ يانا زاخۆ تووشى دووراندنا خوه يا سيێ بوو پشتى يانا شورته سه‌ركه‌فتن ل سه‌ر ئيناى,
دياريا ئه‌ڤرۆ دا ئه‌وا ل ياريگه‌ها شه‌عب يا نێڤده‌وله‌تى ل به‌غدا هاتيه ئه‌نجامدان، ئه‌نجام هه‌تا خۆله‌كا دووماهيێ وه‌كهه‌ڤى بوو بێ گۆل به‌لێ دخۆله‌كا دويێ دا ژ ده‌مێ زێده‌كرى دادڤانى لێدانه‌كا سزايێ بۆ يانا شورته هژمارت ودئه‌نجامدا هێرشبه‌رێ يانا شورته وهه‌لبژارتيێ عيراقێ ئه‌يمه‌ن حوسێن گۆلا سه‌ركه‌فتنێ بۆ شورته تۆماركر ويارى ب ئه‌نجامێ 1-0بده‌ستڤه‌ئينا.
ب ڤى ئه‌نجامى يانا شورته هاته سه‌رێ رێزبه‌ندا خۆلا عيراقێ ب 12 خالان ژ چار ياريان كو يانا زه‌ورا ژى هه‌مان خال يێن هه‌ين به‌لێ كێمتر گۆل ژ شورته يێن هه‌ين، يانا زاخۆ ژى هه‌ر ل جهێ خوه ما ل رێزا 17 ب خاله‌كێ ژ چار ياريان.
