زاخۆ: تەرمێ کەسەکێ هاتە دیتن
ئەڤرۆ نیوز، عەلی حاجی:
عەلی کوچەر ژ تیما نقومڤانێن بەرەڤانیا باژێری ل زاخۆ بۆ ئەڤرۆ نیوز دیار کر: ئەڤرۆ ئەینیێ و ل دەمژمێر ٧:٠٠ مەغرەب تەرمەک دناڤ ئاڤا خابیری دا ل زاخۆ هاتە دیتن و ئەم نزانین کییە.
زێدەتر ناڤهاتی گۆت : ئەو تەرم ل نێزیکی دەمژمێر ٧:٠٠ مەغرەب ل دەوروبەرێن پرا دەلال ل زاخۆ ژ نشکەکێ ڤە سەر ئاڤێ کەفت و تیمێن مە کو ٢٤ دەمژمێران چاڤدیریێ دکەن، ئێکسەر شیان وی تەرمی ژ ناڤ ئاڤێ دا بینەدەر و ئەم وەسا پێشبینی دکەین کو ئەو تەرمە یێ نوویە دبیت بۆ دەمێ حەفتیەکێ کێمتر خەندقی بیت، بەلێ ژبەر نەبوونا چو بەلگەیەکێ ئەو کەسە نەهاتیە نیاسین و تەرمێ وی ژی بۆ نۆشداریا داد ل نەخۆشخانا هەوار هاتنێ ل زاخۆ هاتە رەوانە کرن.
