زاخۆ دێ پیشەکارێن خوە دۆرئێخیت
ئەڤرۆ نیۆز، ھەژار مەعروف:
دەستەیا کارگێریا یانا زاخۆ پشتی ل دەستپێکا ڤی وەرزێ ھەڤبەستا راھێنەرێ خوە یێ رۆمانی ئیلیا ستان ئیمزاکری کو ل گەل ئیمزاکرنا ھەڤبەستا راھێنەرێ رومانی ھەڤبەست ل گەل سێ یاریکەرێن پیشەکار یێن رومانی ژی ھاتبوو ئیمزاکرن ب رێکا وی راھێنەری، لێ ھەتانوکە ھەتا رادەکێ مەزن مفا ژ شیانێن دو یاریکەران نە ھاتیە دیتن ھەر چەندە ھەڤبەستێن ئەوان ب کوژمەکێ مەزن ھاتینە ئیمزاکرن.
ژێدەرەکێ نێزیک ژ یانا زاخۆ بۆ ئەڤرۆ نیۆز دیارکر کارگێریا یانێ ھزر ل گوھورینا پیشەکارێن خوە کری یە تایبەت ھەردو یاریکەرێن ھێلا ناڤین یێن رومانی فلۆرین کوستا و کریستیان کو یێ ئێکێ ھەتانوکە چو مفا ژ شیانێن وی نەھاتیە دیتن ژبەرکو یێ ھنگافتی یە ھەر ژ دەستپێکا خۆلێ ھەتا نوکە و یێ دوێ ئاستێ وی یێ ھونەری نە ل ئاستێ پێدڤی یە.
ھەردیسان ناڤبری دیارکر ژی کارگێریا یانێ ھزر ل رومانیێ سێ نەکری یە ئەوێ ل ھێلا بەرەڤانیێ یاریێ کەت ژبەرکو مفایەکێ باش ژ شیانێن ئەوی ھەتانوکە دیتی یە، لێ مەرجەک دانایە بەر یاریکەرێ خوە یێ بەرازیلی ھەکە ل ماوێ بھێت بتنێ ب موچەیەکێ ھەیڤانە یاریێ بکەت دێ بەردەوامی دەنە ھەڤبەستا ئەوی ھەکە وێ چەندێ قەبول نەکەت دێ ھەڤبەستا وی ژی ھێتە ھەلوەشاندن.