زاخۆ دێ کەمپەکا راھێنانی ئەنجامدەت و بزانە دێ چەند یاریێن ھەڤالینی کەت
ئەڤرۆ،ھشیار دوبانکی:
پشتی خولا عیرقێ یا تەپا پێ بوو ماوەکی ھاتیە راوستاندن ژبەر پشکداریا ھەلبژاتیێ عیراقێ د قارەمانیا کەنداڤی دا یانێن پشکدار دخولا عیراقێ دا ژی دەست ب دانا بەرنامەکێ تایبەت کریە بوو مفا وەرگرتن ژ ڤێ راوستاندنێ و یانا زاخۆ ژی بریار دایە کەمپەکا راھێنانی ل باژێرێ ھەولێر ئەنجامدان بوو پتر مفای ژ ڤێ راوستاندنا خولا عیراقێ بینت.
سەرپەرشتێ تیما زاخۆ یا پشکدار دخولا عیراقێ دا رزوان نازی د داخویانیەکێ دا بۆ رۆژناما ئەڤرۆ دیارکر بریارە رۆژا شەمبیا بھێت کەمپەکا راھێنانی بوو ماوێ دەە رۆژان ل باژێرێ ھەولێر ئەنجامداین بوو پتر مفای ژ راوستاندنا خولا عیراقێ وەربگرین و دبینت ژی ئەڤ راوستاندنە دێ د بەرژوەندیا تیما ئەوان دا بیت ژبەرکو بەرھەڤیێن ئەوان ژ ھەر تیمەکا دی یا پشکدار دخولا عیراقێ دا کێمتر بوون .
ھەردیسان ناڤبری دیارکر ژی بریارە دڤێ کەمپا راھێنانی دا سێ یاریێن ھەڤالینی ئەنجامدان ل گەل یانێن باژێرێ ھەولێر ئەوژی ل گەل یانێن پێشمەرگا ھەولێر و تیما ھەولێر و برایەتی و ئەڤ کەمپا راھێنانی دێ باشترین دەلیڤە بیت بوو راھێنەرێ تیمێ بشێت پشت بەستنێ ل سەر پێکھاتیەکێ خوە جە بکەت ژبەرکو گەلەک یاریزانا بەری دەستپێکرنا خولێ ب چەند رۆژان پەیوەندی ب یانێ کریە ھەردیسان چەند یاریزان ژی پشتی دەستپێکرنا خولێ پەیوەندی ب یانێ کریە و دبینت تیم دێ مفایەکێ باش ژ ڤێ کەمپا راھێنانی بینت.
