زاخۆ دەست بەردانا گولچیێ خوە ب ٦٠ ملیونا دایێ
ئەڤرۆ نیوز، ھەژار مەعروف:
پشتی ل ماوێ بوری گولچیێ یانا زاخۆ و ھەلبژارتیێ عیراقێ یێ بەری نوکە محەمەد حەمید داخوازیا دەست بەردانا خوە ژ یانا زاخۆ کری و بەرامبەر یانا زاخۆ ل سەر وێ داخوازیا وی رازی نەبووی ژبەرکو ئەوی پشکەکا ھەڤبەستا خوە وەرگرت بوو.
پشتی چەندین دانوستاندنان ل دووماھیێ کارگێریا یانا زاخۆ رازی بوو دەست بەردانا گولچیێ خوە ب دەنێ لێ ب مەرجەکێ ئەوژی کوژمێ ٦٠ ملیون دیناران بۆ یانا زاخۆ ڤەگەرینت کو گولچیێ ناڤبری گەلەک بزاڤکرن ئەوی کوژمێ کێمتر لێ بکەت لێ یانە ب ھیچ رەنگەکی قەبوول نەکر و بەری چەند رۆژا ب فەرمی گولچیێ یانا زاخۆ ھەڤبەستا خوە ل گەل یانا خوە یا نووی یانەیا تەلەبە ئیمزاکر .
ھەژی گوتنێ یە محەمەد حەمید ل دەستپێکا ڤی وەرزی ھەڤبەستا یانا زاخۆ ئیمزاکر بوو پشتی بورینا حەفت یاریان وەکو گولچیێ سەرەکی ئەوی ل سەر حەزا خوە داخوازیا دەست بەردانێ ژ یانا زاخۆ کر .