زاخۆ ھێرشبەرەکێ کامیرونی زێدەکر
ئەڤرۆ، ھشیار دوبانکی:
کارگێریا یانا زاخۆ گەھشتە رێککەفتنێ ل گەل یاریزانێ پیشەکار بۆ پشکداری کرنێ ل گەل تیما پشکدار دخولا عیراقێ دا و دھێتە پێشبینی کرن بوو یاریا سوباھی ل گەل یانا حدود یاریێ بکەت ل گەل پێکھاتیێ زاخۆ.
ئەندامێ دەستەیا کارگێریا یانا زاخۆ شڤان عەبدی دداخویانیەکێ دا بۆ رۆژناما ئەڤرۆ دیارکر پشتی چەند دانوستاندنان ل گەل بریکارێ یاریزانێ کامیرونی ئیمبو ھاتینە کرن گەھشتنە رێککەفتنێ ل گەل یاریزانێ ناڤبری بۆ ئیمزاکرنا ھەڤبەستێ ھەتا دووماھیا وەرزێ ئەڤ سالە ل گەل یانا زاخۆ ب موچەیەکێ ھەیڤانە بمینت.
ھەردیسان ناڤبری ئەو چەندە ژی دیارکر کو دێ مفایەکێ باش ژ شیانێن ڤی یاریزانی بینن ژبەرکو شارەزایەکا باش دخولا عیراقێ دا ھەیە و ل وەرزێ بوری یاری ل یانا حدود کر و ئێک باشترین ئاست پێشکێشکربوو ل گەل وێ یانێ و ب ھاتنا ڤی یاریزانی دبینت دێ ھێزەکا باشتر دەتە تیمێ تایبەت ل ھێلا ھێرشبەریێ.
ھەژی گوتنێ یە ئەڤە دبیتە پیشەکارێ دویێ یانا زاخۆ ل وەرزێ ئەڤ سالە ھەڤبەستێ ل گەل ئیمزا دکەت پشتی ل ماوێ بوری ھەڤبەستا یاریزانێ لیبیری ھیرون ئیمزاکری ئەوژی ب موچەیەکێ ھەیڤانە.