زارۆیه‌ك د گۆمەکا ئاڤێ دا د خه‌ندقیت
ئەڤرۆ نیوز،بارزان مزووری:
هێمن سلێمان، بەرپرسێ پەیوەندی و راگەهاندنا رێڤەبەریا پولیسێن پارێزگه‌ها دهۆكێ بۆ ئەڤرۆ نیوز راگه‌هاند، ئەڤرۆ پشتی نیڤرۆ بنگەهێ پولیسێن ناحیا کەلەکچی هاتنە ئاگەهدارکرن کۆ زارۆیەک ب ناڤێ”نه‌بیل جەمیل” ژیێ وى حەفت سالە د گومەکا ئاڤێ دا خەندقیە.
ناڤهاتی خویاکر پشتی کەفتیە د ناڤ گوما ئاڤێ دا تەرمێ وى هاته ده‌رئینان و بۆ نوشداریا داد ل باژێرێ دهۆكێ هاته رەوانەکرن.
گوت ژى” پەرێن ڤەکولینێ ل دۆر روودانێ هاتینه ڤه‌كرن و ڤه‌كۆلین یا بەردەوامە”.
