زارۆیەك ژ سه‌رمادا گيانێ خوه ژده‌ست دده‌ت
ئەڤرۆ نیۆز، قائید میرۆ
ل ھەولێرێ تەرمێ زارۆیەکێ نوو ژدايكبووى ھاتیە ھاڤێتن و بەرپرسەکێ پۆلیسان ژی ئاشکراکر، ئەڤ زارۆيه ژبەر سەرمایێ گیانێ خخوه ژ دەستدایە.
رائید ھۆگر عەزیز، پەیڤدارێ پۆلیسێن ھەولێرێ بۆ ئەڤرۆ نیۆز دیارکر” ئەڤرۆ رۆژا شەمبی 12/1/2019 ھێزێن پۆلیسان ھاتینە ئاگەھدارکرن ل ھەبوونا تەرمێ زارۆیەکێ نوو ژدایکبوی، پشتی گەھشتنا ھێزێن پۆلیسان دەرکەفت زارۆیەک ل نێزیکی گۆڕستانا تاخێ قەلاتی نوو یا سەر رێیا قەزا بنەسلاوا ھاتیە ھاڤێتن و ب گورەی ڤەکۆلینێن دەستپێکی ئەف زارۆيه چەند رۆژەکێن کێمە ھاتیە سەر دنیایێ”.
رائید ھۆگر عەزیز ئاماژەکر” تەرمی زارۆیێ ھاتیە دیتن ھاتیە ھنارتن بۆ پەیمانگەھا نۆشداریا داد ھەتا پێزانينێن ھوور و دروست ل دۆر تەرمێ وى بھێنە زانین، چونکە پێشبینی دھێتەکرن ئەف زارۆيه دەمێ ھاتیە ھاڤێتن یێ ساخبیت، بەلێ ژبەر سه‌رمايێ گیانێ خوه ژدەستدابیت”.
