زانكویا زاخۆ ڤێ مزگینیێ د دەت
ئەڤرۆ نیوز،عەلی حاجی :
د داخویانیەكێ دا هاریكارێ سەروكێ زانكویا زاخۆ بۆ كاروبارێن قوتابیان بۆ ئەڤرۆ نیوز ئاشكەرا كر وەكو زانكویا زاخۆ مە بریار دایە بۆ سالا نوو یا خواندنێ ( 2019-2020) قوتابیێن دەرچووێین قوناغا ئێكێ و دویێ یا قوناغا دوازدێ ئامادەیی وەربگرین .
كاروان فەهمی ئەو چەندە ژی گوت ‘‘ ئەڤ بریارە پشتی وێ یەكێ هاتە دان زانكویا زاخۆ ب رێیا نڤیسیارەكا فەرمی بۆ وەزارەتا خواندنا بلند و ڤەكولینێن زانستی رەوانەكری یە كو زانكویا زاخۆ ئامادەیە و دشیاندایە قوتابیێن قوناغا ئێكێ و دویێ یا پولا دوازدێ ئامادەیی بهێنە وەرگرتن، د دوماهی كوبونا وەزارەتێ ژی دا ئەڤ چەندە هاتیە بەحس كرن ، هەر چه‌نده ئەڤە ددەمەكێ دا بوو وەزارەتا ناڤبری بریار دا بوو ئەو زانكوێین سیستەمێ پولونی پەسەند كری بتنێ دێ قوتابیێن قوناغا ئێكێ یا پولا دوازدێ وەرگریت”.
ناڤبری گوت ژی : ئەڤ چەندە پشتی وێ ئێكێ هات كو پشتی مە خوە ل سەر وێ بریارا وەزارەتێ نەرازی كری كو بتنێ قوتابیێن قوناغا ئێكێ بهێنە وەرگرتن ، ژبەر كو پرانیا قوتابیێن پارێزگەها دهوكێ رێژەیا دەرچوونا وان دقوناغا ئێكێ دا یا كێمە و بو قوتابیێن قوناغا دوێێ دا بیتە ئاریشەیەكا مەزن هه‌كه مە ئەو بریار پەسەند كربا ، ئەڤجا ئەم دێ هەمی قوتابیێن دەرچویێن قوناغا ئێكێ و دوێێ وەرگرین و قوتابی ژی بلا وێ ترسێ ل دەڤ خوە نەهێلن .
