زانکۆیا دھۆک نۆشدارەکێ دھۆکێ خەلات کر
ئەڤرۆ نیوز، لەزگین جوقی:
زانکۆیا دھۆک ئەڤرۆ رۆژا ٢٥/١١/٢٠١٨ نۆشدار (خەلەف حسێن گەرگەری) تایبەتمەندێ نەخۆشیێن زارۆیان ل پارێزگەھا دھۆکێ خەلاتکر.
د. خەلەف حسێن گەرگەری، تایبەتمەندێ نەخۆشیێن زارۆیان ل دھۆکێ بۆ ئەڤرۆ نیوز دیار کر کو ژ بەر بزاڤێن وی یێن بەردەوام د ئەنجامدان و پێشکداریکرنێ د چالاکیێن زانستی و ئەکادیمی و نۆشداری دا د ناڤ ھەرێما کوردستانێ و ژدەرڤەی ھەرێمێ و عیراقی ئەڤرۆ زانکۆیا دھۆک ب فەر دیت رێزگرتنێ ل کار و چالاکیێن وی بگریت و خەلات بکەت.
د. خەلەف حسێن گەرگەری، تایبەتمەندێ نەخۆشیێن زارۆیان ل دھۆکێ ل نەخۆشخانا ھیڤی یا زارۆیان و کۆلیژا پزیشکی یا زانکۆیا دھۆک خزمەتی دکەت دچەندین کۆنفرانسێن زانستی و ئەکادیمی و نۆشداری ل وەلاتێن ژێک جۆ دا پێشکداریی کریە ب مەرەما مفا وەرگرتن ژ سەربۆر و زانستێ نوو یێ نۆژداری ل جیھانێ.
