زانکۆیەکا ئەمریکی مفایەکێ نڤێژێن موسلمانان بۆ لەشی ئاشکرا کر
ئەڤرۆ نیوز:
زانکۆیەکا ئەمریکی د نووترین لێکۆلین دا ئاشکر کر کو نڤێژێن موسلمان رۆژانە دکەن مفا بۆ کێمکرنا پشتئێشانێ ھەیە.
رۆژانە پێنج جاران نێزیکی ملیارەک و شەشسەد ملیۆن موسلمان نڤێژان دکەن، ل گۆری لێکۆلینەکێ ئەڤ نڤێژە ھاریکارن بۆ کێمکرنا پشتئێشانێ ب تایبەت رەخێ بنی یێ پشتا مرۆڤی.
زانکۆیا (Binghamton) ل نیۆیۆرک ئاشکرا کر: گەر نڤێژ ب بەردەوامی و ب ئاوایەکێ گۆنجایی بھێـە کرن، د شیان دایە گەھێن لەشی بۆ شێوەیێ وان یێن ئاسایی ڤەگەرینیت بتایبەت سوجدە برن، ھەروەسا ئەو کەسێن رەخێ بنی یێ پشتا وان دئێشیت ھەکەر ب باشی چۆک و پشتا خوە د دەمێ نڤێژێ دا بکاربینن دێ ئەو ئێشان کێم بیت.
لێکۆلینێ برێیا پرۆگرامێن کۆمپیۆتەری لێکۆلینا خوە ل سەر چەندین کەسێن ئاسیایی، ھندی و ئەمریکی کرییە و لێکۆلەران تەکەزا خوە بتنێ دابوو سەر نڤێژێن موسلمانان.
پرانییا جاران لێکۆلین ل سەر کاریگەریێن دەروونی یێن نڤێژێ دھێنە کرن، کێم جاران لێکۆلین ل سەر ئالیێن جەستەیی ھاتینە کرن.
