زمانێ كوردی ل سەر لۆگۆیێ وەزارەتا ناڤخوەیا عیراقێ دهێته زێدەكرن
ئەڤرۆنيوز:
وەزارەتا ناڤخوەیا عیراقێ دمالپەرێ خوە یێ فەرمی دا لۆگۆیێ نوو یێ وەزارەتێ بەلاڤكر كو تێدا زمانێ كوردی ژی ل سەر لۆگۆیێ خوە زێدەكریە كو بەری نوكە تنێ ب زمانێن عەرەبی وئینگلیزی بوو.
لۆگۆیێ وەزارەتا ناڤخوەیا عیراقێ ب شێوەكێ نوو هاتیە دانان، كو بۆ جارا ئێكێ زمانێ كوردی چوویە سەر وی لۆگۆی هەر ژدامەزراندنا دەولەتا عیراقێ ل 1921 وهەتا نوكە.
بەری نوكە وب شێوەكێ فەرمی، زمانێ كوردی ل سەر هەر ئیك ژ پاسەپۆرتا عیراقێ وفۆرما ئاهێن خوارنێ وكارتا نیشتمانی هاتیە دانان.