زێدان ئاخفتنا خوه بوو یاریا ئه‌ڤ شه‌ڤه يا كلاسیكو گوت
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ئێك ژ گرنگترین یاریا ل سه‌ر ئاستێ جیهانێ بهێته‌كرن ده‌مێ هه‌ردو یانێن به‌رشه‌لۆنا و ریال مه‌درید هه‌مبه‌رى ئێك به‌ن د یاریا كلاسیكویا ئیسپانیا دا ژ چارچوڤێ یاریێن خۆلا لالیگا ل ده‌مژمێر 10:00 شه‌ڤ ل دیڤ ده‌مێ كوردستانێ ل یاریگه‌ها كامپ نوو یا تایبه‌ت ب به‌رشه‌لۆنا ڤه .
راهێنه‌رێ یانا ریال مه‌درید زێدان بوو ڤێ یاریێ بۆ ده‌زگه‌هێن راگه‌هاندنێ دیاركر ئه‌و ب شێوه‌كێ باش گه‌هشتى نه یاریا كلاسیكو نوكه ئه‌و ژ ره‌وشا هونه‌رى یا تیمێ یێ رازى یه و دخوازیت ئه‌و ئاسته‌كێ نایاب دڤێ یاریێ دا پێشكێش بكه‌ن و هه‌ر ژ ده‌قیقا ئێكێ هه‌تا دووماهیى ده‌قیقا بشێن ئاسته‌كێ نایاب پێشكێش بكه‌ن و هه‌ردیسان ئه‌و هزرێ ل وێ چه‌ندێ ناكه‌ن كو ئه‌و دێ یاریێ ژ ده‌رڤه‌ى یاریگه‌ها خوه كه‌ن ژبه‌ركو ریال مه‌درید ده‌مێ یاریێ بكه‌ن ل گه‌ل چ یانه بیت ئه‌و هزر ل وێ چه‌ندێ ناكه‌ت كا یارى دێ ل یاریگه‌ها سانتیاگو برنابیو بیت یان ده‌رڤه له‌ورا ئه‌و هاتینه كامپ نوو بۆ سێ خالێن یاریێ.
سه‌باره‌ت ستێرا گه‌نچ یا یانێ ڤالڤێردى ناڤبرى دیاركر ئه‌و یاریزان نوكه د باشترین ره‌وشا خوه دا یه و هه‌رده‌م ئه‌و یاریزان یێ به‌رهه‌ڤه بوو به‌ره‌ڤانیێ ژ درێسێ یانا ریال مه‌درید بكه‌ت.
سه‌باره‌ت میسى زێدان دیاركر به‌رشه‌لۆنا میسى هه‌یه ئه‌وان ژى چه‌كێ خوه هه‌یه بوو به‌ره‌ڤانى كرنێ و هه‌ردیسان سه‌باره‌ت بێل ئه‌و نوكه د ره‌وشه‌كا باش دایه و به‌رهه‌ڤه بوو كرنا یاریێ.
ل دووماهیێ راهێنه‌رێ ریال دیاركر به‌رشه‌لۆنا وه‌كو ئه‌وان نوكه د ره‌وشه‌كا گه‌له‌ك باش دانه ل وه‌رزێ ئه‌ڤ ساله تایبه‌ت دخۆلا لالیگا دا له‌ورا ئه‌و پێشبنیا یاریه‌كا گه‌له‌ك ب هێز دكه‌ت و ئه‌و چووینه یاریێ بوو سێ خالێن یاریێ و سه‌ركه‌فتنێ .
