زێدان ئاخفتنا خوه بوو یاریا ئه‌ڤ شه‌ڤه گوت
ئه‌ڤرۆ نیوز:
چاڤه‌رێ دهێـته‌كرن ئه‌ڤ شه‌ڤه ل ده‌مژمێر 10:45 یانا ریال مه‌درید یاریا خوه یا گه‌را شه‌شێ و دووماهیێ ژ قوناغا كومان یا قاره‌مانیا چامپیونیز لیگا ئورۆپا ئه‌نجام بده‌ت ده‌مێ دبیته مێڤانا یانا كلوب بروج یا به‌لجیكى كو به‌رى ڤێ یاریێ یانا ریال مه‌درید ده‌ربازبوونا خوه بۆ قوناغا 16 مسوگه‌ر كریه .
راهێنه‌رێ یانا ریال مه‌درید زێدان به‌رى ڤێ یاریێ بۆ ده‌زگه‌هێن راگه‌هاندنێ دیاركر ئه‌و دێ یاریێ كه‌ن بتنێ بوو سه‌ركه‌فتنێ سه‌ره‌راى ئه‌وان ده‌ربازبوونا خوه مسوگه‌ر كریه بۆ قوناغا 16 لێ ئه‌و ب ناڤێ ریال مه‌درید یاریێ كه‌ن و پێدڤى یه بتنێ هزر ل سه‌ركه‌فتنێ و ده‌ستڤه ئینانا ده‌ستكه‌فتیان بكه‌ن.
ناڤبرى ئاماژه ب وێ چه‌ندێ ژى كر گه‌له‌ك هزر ل وێ چه‌ندێ دكه‌ن یاریا ئه‌وان به‌رامبه‌ر كلوپ بروج دێ وه‌كو یاریه‌كا هه‌ڤالینى بیت لێ ئه‌و ل گه‌ل وێ چه‌ندێ نینه ژبه‌ركو ئه‌و یاریێ كه‌ن ب كێمكرنا چیاوازیا خالان ل گه‌ل پاریس و یانا به‌رامبه‌ر ژى یاریێ كه‌ت بوو مسوگه‌ركرنا پلێتا رێزا سیێ بوو ده‌ربازبوونا یورۆپا لیگ.
سه‌باره‌ت هنگافتنا هازارد ناڤبرى دیاركر ئه‌و نوكه ل بن كنترولا نوژدارى یه و چاڤه‌رێ دهێـته‌كرن ل دو حه‌فتیێن بهێت ڤه‌گه‌ریته دناڤا پێكهاتیێ یانێ و یوڤیچ ژى دێ سوباهى یاریێ كه‌ن .
ل دووماهیێ پرسیار ل زێدان هاته‌كرن ئه‌رى ب چوونا وى چیه سه‌ر میسى 6 جاران بوویه باشترینێ جیهانێ و رونالدو 5 جاران زێدان دیاركر ئه‌و ناخوازیت ل سه‌ر وێ چه‌ندێ چ داخویانیا بده‌ت .
