زێدان ئاخفتنا خوه بوو یاریا ئیبار گوت
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ل ده‌مژمێر 8:00 یانا ریال مه‌درید بیته مێڤانا یانا ئیبار ژ چارچوڤێ یاریێن گه‌را 13 ژ خۆلا لالیگا ئیسپانیا بوو ڤێ یاریێ راهێنه‌رێ یانا ریال مه‌درید زێدان دیاركر بێل و خامێس رودرێگیز ئاماده نابن و ئه‌گه‌رێ دوركه‌فتنا ئه‌وان نه ژبه‌ر ئاستێ هونه‌رى یه به‌لكو ماوه‌ك بوو ژ راهێنانێن كوم دوركه‌فت بوون ژبه‌ر ئه‌و هنگافتنا توش بووینێ و ل نێزیك دێ ڤه‌گه‌رنه ناڤا پێكهاتیێ یانێ و سه‌باره‌ت مارسێلو ئه‌و ژى ژبه‌ر هنگافتنێ نه‌شێت پشكدارى بكه‌ت لێ هنگافتنا ئه‌وى یا گران نینه و ئه‌وان خواست وه‌كو پێنڤه‌دان بده‌نه ئه‌وى داكو بوو یاریێن بهێت باشتر بیت.
هه‌ردیسان زێدان سه‌باره‌ت تیما ئیبار دیاركر ئه‌و تیمه‌كا باشه و ئه‌وى هه‌موو یاریزانێن خوه ئاگاداركرینه یارى ب هوشدارى بكه‌ن ژبه‌ركو ئه‌و دێ یاریێ ژ ده‌رڤه‌ى یاریگه‌ها خوه كه‌ن و ل سه‌ر ڤى ده‌مى چ یانێن ب سانه‌هى نین تایبه‌ت ل خوله‌كا وه‌كو ئیسپانیا زوربه‌یا یانان ئاستێ ئه‌وان یێ ب هێزه.
سه‌باره‌ت ئاستێ باش یێ هه‌ردوو یاریزانان ڤالڤێردى و رودرێگو ناڤبرى دیاركر ئه‌وى به‌رى نوكه پێشبینیا وێ چه‌ندێ دكر كو ئه‌و هه‌ردو یاریزان دێ ئاسته‌كێ باش ل خولێ پێشكێش كه‌ن ل ده‌مێ خوه به‌رهه‌ڤكرنێ بوو وه‌رزێ نوو دبینت ئه‌و هه‌ردو یاریزان دێ پاشه‌رۆژه‌كا گه‌ش هه‌بیت ل ڤێ یانێ .
