زێدان ئاخفتنا خوه بوو یاریا ئیسپانیول گوت
ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ل ده‌مژمێر 3:00 ئێڤارى یانا ریال مه‌درید مێڤانداریا یانا ئیسپانیول بكه‌ت ژ چارچوڤێ یاریێن گه‌را 16 ژ خۆلا لالیگا ئیسپانیا .
به‌رى ڤێ یاریێ راهێنه‌رێ یانا ریال مه‌درید زێدان د گونگرێ رۆژنامه‌ڤانى دا دیاركر ئه‌و گه‌له‌ك یێ كه‌یفخوشحاله نوكه ل باشترین یانێ یه ل جیهانى و ئه‌و گه‌له‌ك یێ ب به‌خته وه‌كو یاریزان و راهێنه‌ر ل ڤێ یانێ كاركرى و نوكه د ناڤا خه‌ونادا دژیت.
سه‌باره‌ت یاریا به‌رامبه‌ر ئیسپانیول ناڤبرى دیاركر ئه‌وان نوكه بتنێ هزر ل ڤێ یاریێ كریه ژبه‌ركو نوكه ئه‌و یێن د گه‌رما هه‌ڤركیا خولێ دا و پێدڤى یه ڤێ یاریێ ب گرنگیه‌كا مه‌زن وه‌ربگرین چونكو ئه‌و دێ ل گه‌ل یانه‌كا ب هێز و خودان مێژویه‌كا مه‌زن كه‌ن.
سه‌باره‌ت هنگافتنێن یاریزانێن یانێ ناڤبرى دیاركر بێل ل یاریا ئالاڤێس توشى هنگافتنێ بوویه و هه‌تا نوكه دیاركر نینه لێ ڤینیسیوس بوو ڤێ یاریێ دێ یێ به‌رهه‌ڤبیت لێ هنگافتنا هازارد ژ وى ده‌مێ ئه‌وان چاڤه‌رێكرى زێده‌تر لێ هات .
ل دووماهیێ سه‌باره‌ت ڤه‌گوهاستنێن زڤستانى ناڤبرى دیاركر نوكه بتنێ ئه‌و ته‌ركیز ئێخنه سه‌ر یاریا سوباهى و هزر ل چ ڤه‌گوهاستنان ناكه‌ن هه‌تا ده‌مێ ئه‌وان بهێت.
