زێدان بریارا دووماھیێ ل سەر تونی کروس دا
ئەڤرۆ نیوز:
ل وەرزێ ئەڤ سالە ئاستێ ستێرا ھێلا ناڤینا ئەلمانی و یانا ریال مەدرید تونی کروس ب شێوەکێ بەرچاڤ پاشڤەزفری بوو ھەر ژ بەر وێ چەندێ ئەو یاریزان ببو جھێ رەخنەکا مەزن ل دەڤ راگەھاندنا ئیسپانی و جەماوەرێ وەرزشی ل یانا ریال مەدرید و پشتی ھاتنا زێدان ئاستێ ئەوی یاریزانی ھەتا رادەیەکی باشتر بوویە .
ھژمارەکا رۆژنامەیێن ئیسپانی ئاشکراکربوو کو بەری ھاتنا زێدان ئەوی یاریزانی ب جدی ھزر ل چوونا خوە کر ھەردیسان بەرپرسێن وێ یانێ ژی ل سەر چوونا ئەوی یاریزانی رازیبوون ژبەرکو ئاستێ ئەوی یاریزانی ھەتا رادەیەکێ مەزن ل دەستپێکێ خولێ پاشڤەزفری بوو .
مالپەرێ ABC یێ ئیسپانی ئاشکراکریە زێدان ھزرا خوە ل سەر فروتنا تونی کروس گوھوری یە و ناخوازیت دەستا ژ ستێرا ئەلمانی بەردەت و دخوازیت پشت بەستنێ ل سەر ھژمارەکا ئەوان ستێرێن خوە بکەت ئەوێن بەری نوکە سێ ناسناڤێن چامپیونیز لیگ ب دەستخوڤە برین ل سەر دەمێ وی ل ماوێ بوری و ئاستێ ئەوان یاریزانان جارەکا دی ڤەگەرینتە ڤە .
ئەوی ئاماژە ب وێ چەندێ ژی کریە پشتی ھاتنا زێدان جارەکا دی ل یانا ریال مەدرید ئاستێ ئەوی یاریزانی پێشکەڤتنەکا باشتر ب خوڤە دیتی یە تایبەت ل چەند یاریێن دووماھیێ و زێدان بوو بەرپرسێن یانێ دیارکریە د نەخشەیێ وی دایە بوو وەرزێ بھێت ئەو پشت بەستنێ ل سەر تونی کروس بکەت.
