زێدان یاریزانه‌كێ پورتوگالى ل سه‌ر كیستى ئاریكسن و ڤان دى بیك دڤێت
ئه‌ڤرۆ نیوز:
راهێنه‌رێ یانا ریال مه‌درید زێدان داخوازى ژ به‌رپرسێن یانێ كریه به‌رى ب دووماهیى هاتنا ده‌رگه‌هێ ڤه‌گوهاستنێن هاڤینى هه‌ڤبه‌ستێ ل گه‌ل یاریزانه‌كێ هێلا ناڤین ئیمزا كه‌ن .
رۆژناما سپورت یا كه‌ته‌لونى دیاركریه ئارمانجا سه‌ره‌كى یا زێدان بوو ڤه‌گوهاستنێن نوكه پوگپا یه لێ ژبه‌ر زه‌حمه‌ت بوونا ب ده‌ستڤه ئینانا وى یاریزانى كارگێریا یانا ریال نوكه لێگه‌ریانا پێگوهورێ پوگپاى دكه‌ت.
هه‌ردیسان وێ رۆژنامێ ئاشكراكریه ژى د شیانێن كارگێریا یانا ریال مه‌درید دا هه‌یه هه‌ڤبه‌ستێ ل گه‌ل هه‌ر ئێك ژ یاریزانێ هه‌لبژارتیێ دانمارك و یانا توتنهام ئاریكسن و یاریزانێ ئه‌یاكس ئه‌مستردام و هه‌لبژارتیێ هوله‌ندا ڤان دى بیك ئیمزا بكه‌ن لێ راهێنه‌رێ یانا ریال مه‌درید داخوازى ژ به‌رپرسێن یانێ كریه هه‌ڤبه‌ستێ ل گه‌ل برونو فرناندێز یاریزانێ هه‌لبژارتیێ پورتوگال و یانا سپورتینگ له‌شبونا ئیمزا بكه‌ن به‌رى ب دووماهیى هاتنا ڤه‌گوهاستنێن هاڤینێ.
هه‌ردیسان وێ رۆژنامێ ئاشكراكریه ژى هه‌ر چه‌نده ده‌ستڤه ئینانا ئه‌وى یاریزانێ هێلا ناڤین بوو یانا ریال مه‌درید یا ب سانه‌هى نابیت ژبه‌ركو یانا مانچێسته‌ر یوناید ژى نوكه هه‌ڤركیا ده‌ستڤه ئینانا ئه‌وى یاریزانى دكه‌ت.
هه‌ژى گوتنێ یه برونو فرناندێز یێ 24 سالى نوكه یانا ئه‌وى بهایێ هه‌لوه‌شاندنا وى ژ 55 ملیونا كریه 70 ملیون یوریا كو وى یاریزانێ ناڤبرى ل وه‌رزێ بورى 32 گول توماركربوون و 18 ئه‌سیست ژ 53 یاریان .
برونو فرناندێز
ئاريكسن و فان دى بيك
