زێدان: یاری دووماھیا چامپیونیز لیگ نە یا دناڤبەرا رونالدوی و سەلاحی یە
ئەڤرۆ:
راھێنەرێ یانا ریال مەدرید زێدان دوھی د گونگری رۆژنامەڤانی یێ یاریا بەرامبەر سیڤلیا یا پائێخستی ئەوا بریارە ئەڤ شەڤە بھێتەکرن دیارکر ل سەر ئەوان بەرھەڤیێن خوە یێن باش کرینە بوو ڤێ یاریێ و سەرەرای ئەوان ھنگافتن ھەنە لێ ئەوان پێگھورێن باش ھەنە دێ شێن ئەوان خالێن کێماسی پرکەن و ل سەر ئەوان پێدڤی یە ل سێ یاریێن مای یێن چامپیونیز لیگ ئاستەکێ باشتر پێشکێش بکەن و رێزبەندیا خوە باشتر لێ بکەن د خولێ دا .
ناڤبری ئاشکراکر ژی رەوشا ھەر سێ یاریزانێن وێ رونالدو ئیسکو کارفخال باشن لێ ئەو دخوازیت پتر بێنڤەدانێ بدەتێ بوو وێ چەندێ بوو دووماھیا چامپیونیز لیگ د بەرھەڤبن ب شێوەکێ باشتر.
ژلایەکێ دویڤە سەبارەت یاریا دووماھیا چامپیونیز لیگ ناڤبری دیارکر ئەم ھەمی باش زانین شیانێن یانا ئینگلیزی کو یانەکا ب ھێزە و ئاستێ وێ ھونەری گەلەک یێ باشە و ب شێوەکێ گەلەک باش سەرەدەریێ ل گەل یاریێ دکەن و پێشبینیا وێ چەندێ دکەت دێ یاریەکا ب ھێز ھێتەکرن دناڤبەرا ھەردو یانان دا و ل سەر ئەوان پێدڤی یە پلانەکا باش بوو ڤێ یاریێ بدانن داکو بشێن بوو وەرزێ سێ ل دویڤ ئێک ناسناڤێ چامپیونیز لیگ ب دەستخوڤە توماربکەن لێ ئەو حەزا ناکەت کەس یاریێ ب وێ چەندێ دیاربکەت کو دێ دناڤبەرا رونالدوی و سەلاحی دا بیت بەلکو دێ یاری دناڤبەرا ریال مەدرید و لیڤەرپول بیت و ھەردو یانان گەلەک ماندیبوون دیتی یە ھەتا گەھشتی نە ڤێ قوناغێ.