غەزوان محەمەد ئەڤرۆ دێ شێت ھیڤێن ھەلگرا ناسناڤێ خولا کوردستانێ ب ڤەگەرینت ب رێیا زاخۆ
ئەڤرۆ نیوز، ھەژار مەعروف:
چاڤەرێ دھێـتەکرن ئەڤرۆ سوباھی حەفت یاری ژ خولا فاستلینکا کوردستانێ یا پلا نایاب بھێنەکرن و د گوپیتکا یاریێن ڤێ حەفتیێ دا یانا زێرەڤانی ھەلگرا ناسناڤێ خولێ ب سەرپەرشتیا راھێنەرێ خوە یێ نوو غەزوان محەمەد دێ مێڤانداریا یانا زاخۆ کەت ل یاریگە ھا خوە.
تیما زێرەڤانی ھەلگرا ھەر سێ ناسناڤێن وەرزێ بوری ئەوا نوکە د رەوشەکا لاواز دا بوریت ل پێنج یاریێن بوری نەشیای سەرکەفتنێ توماربکەت دێ بزاڤێ کەت ب رێیا سەرکێشا خولێ تیما زاخۆ سەرکەفتنا ئێکێ توماربکەت و ھەر ئەنجامەکێ دی یێ نە چاڤەرێکری دێ ھیڤێن زێرەڤانی ھەتارادەکێ مەزن بۆ دەربازبوونێ بۆ چوارگوشا زێرین ب زحمەت کەفن.
ژلایەکێ دیڤە ل یاریگەھا خوە تیما ھەولێر دێ مێڤانداریا یانا شێروانە کەت کو بۆ ڤێ یاریێ تیما ھەولێرێ دێ ب ھەمان پێکھاتیێ خوە یێ خولا عیراقێ بەرامبەر شێروانە کەت و تیما ھندرین دێ ھەمبەری یانا ئارارات ل یاریگەھا خوە کەت .
بریارە سوباھی بەردەوامی ب یاریێن خولێ بھێتەدانێ ھەردو نوونەرێن پارێزگەھا دھۆکێ دڤێ کومێ دا دێ یاریێن خوە ل یاریگەھا خوە کەت دھۆک ل گەل سولاڤ و گارە ل گەل برایەتی و تیما نەوروز دێ د یاریەکا ب ھێز دا ل گەل پێشمەرگا ھەولێرێ کەت
