زێرەڤانی دێ ھەڤبەستا یاریکەرەکێ نووی ئیمزاکەت
ئەڤرۆ نیوز، ھەژار مەعروف:
تیما تەپا پێ یا زێرەڤانی ھەلگرا ھەرسێ ناسناڤێن وەرزێ بوری دخۆلا پلا نایاب یا ھەرێما کوردستانێ دا نێزیکی ئیمزاکرنا ھەڤبەستا یاریکەرێ یانا ھەولێرێ و یانا زاخۆ یێ بەری نوکە کامیران عەلی بووی یە پشتی یاریکەرێ ناڤبری ھەڤبەستا خوە ل گەل یانا ھەولێری ھەلوەشاندی.
ھەژی گوتنێ یە یاریکەرێ ناڤبری دەستپێکا ژیانا خوە یا وەرزشی ل گەل یانا سیروان نووی دەستپێکر بۆ پاش ھاتبو ڤەگوھاستن بۆ یانا سلێمانیێ و پاش بۆ ماوێ دو وەرزان ل دویڤ ئێک یاریێ بۆ یانا زاخۆ دخۆلا عیراقێ دا کر ئەوژی ٢٠١٣-٢٠١٤ و ٢٠١٤-٢٠١٥ ل دەستپێکا ڤی وەرزی ھەڤبەستا یانا ھەولێری یا پشکدار دخۆلا عیراقێ دا ئیمزاکر و ژبەر نە پشکداریا وی د یاریێن تیمێ دا یاریکەرێ ناڤبری ھەڤبەستا خوە ل گەل یانا ھەولێرێ ھەلوەشاند.