زێمارا ئەنفالێ
دلدار محەمەد
ئەز نزانم کانێ ئەنفال د رەش نەبوون یان نە،
وێ هەمی رەنگ ژبیرا من برن.
٭٭٭٭
چەند چاڤێن تەپکا عەردی
ب کەلها نزارکێ دکەڤن چاڤێن وێ شۆڕ دبن.
٭٭٭
بابێن مە ل بیابانا دوژمنان
ئەم ژی ل بیابانا بێئۆمێدیێ
بۆینە روفات.
٭٭٭
کی گازندەیێن نەبوونا گەشبینیێ ژ مە دکەت !
هێشتا داپیرا من گوهـ ددەتە دەنگ و باسان،
یا ب ئۆمێدە کوڕێ وێ یێ (هەستی) دێ ڤەگەڕیت.
٭٭٭
خەونێن وێ بوکا هێشتا ل ژڤانێ ڤەگەڕا یارێ خۆ
وەکی خەونێن من ب باوەرنامەیێ ڤە دیتن، ژەنگی بوون.
