زەورا ب سەرکەفتنا ئەڤرۆ دێ خوە نێزیکی برنا ناسناڤێ ١٣ یێ خولێ کەت
ئەڤرۆ نیوز:
چاڤەرێ دھێتەکرن ئەڤرۆ بەردەوامی ب یاریێن گەرا شەشێ و بەری دووماھیێ ژ خولا بژارە یا عیراقێ یا تەپا پێ بھێنەکرن کو ھەردو یانێن خودانێن رێزا ئێکێ و دوێ دێ دو یاریێن زحمەت ئەڤرۆ ژ دەرڤەی یاریگەھا خوە کەن کو زەورا دێ بیتە مێڤانا مینا ل بەسرا و نەفت وەست ل یاریگەھا شەعب دێ بیتە مێڤانا جەویە .
سەرکێشا خولێ تیما زەورا خودانا ١١ خالان دێ بزاڤێ کەت بۆ سەرکەفتنێ و پاراستنا سەرێ لیستەیا خولێ بەر ب برنا ناسناڤێ خوە یێ ١٣ کو ب سەرکەفتنا ئەڤرۆ یا زەورا ل سەر مینا و ھەر ئەنجامەکێ نە چاڤەرێکری یێ ھەردو یانێن تەلەبە و نەفت وەست ل یاریێن ڤێ حەفتیێ دێ ھەتا رادەکەکێ مەزن زەورا ناسناڤێ خولێ مسوگەر کەت بەرامبەر تیما مینا ژێ دێ بزاڤێ کەت خوسارەتیا ئێکێ ل وەرزێ ئەڤ سالە ب گەھینتە یانا زەورا پشتی بورینا ٢٣ یاریان بێ خوسارەتی.
ژلایەکێ دیڤە یانا نەفت وەست ھەلگرا ناسناڤێ خولا عیراقێ ل وەرزێ بوری دێ یاریا خوە یا ئەڤرۆ ل گەل یانا یانا جەویە کەت کو ئەڤ یاریە دێ بیتە یاریا تولڤەکرنێ بۆ یانا جەویە کو ل وەرزێ بوری ل ھەمان یاریگەە یانا جەویە ناسناڤێ خولێ ژ دەست دا بۆ ھەردیسان جەویە دخوازیت ب سەرکەفتنا ئەڤرۆ ل سەر نەفت وەست جارەکا دی ھیڤێن خوە ب ڤەگەرینتە ڤە بۆ ب دەستڤە ئینانا ئێک ژ رێزێن پێشیێ دخولێ دا بەرامبەر نەفت وەست ھەر ئەنجامەکێ نە چاڤەرێکری دڤێ یاریێ دا ھەتا رادەکی دێ ھیڤێن ناسناڤی ژ دەست دا لەورا دڤێ یاریێ دا دێ ھەمی بزاڤا کەت بۆ سێ خالێن یاریێ و بەردەوامی ب دەتە ھەڤرکیا ناسناڤێ خولێ بۆ وەرزێ دوێ ل دیڤ ئێک.
