ساخلەمیا دھۆکێ دەرمان و ئەمبولانس گەھاندنە چیایێ شنگالێ
ئەڤرۆ نیوز، حەمزە رەزیکی:
ژ بۆ پاراستن و چارەسەریا پێشمەرگەی و خەلکێ سەرێ چیایێ شنگالێ، رێڤەبەریا گشتی یا ساخلەمیا پارێزگەھا دھۆکێ چار تەنێن دەرمانان و پێنج ترۆمبێلێن ڤێراگەھشتنێ گەھاندن چیایێ شنگالێ.
د.عەلی حسێن بلانی، ئێک ژ نوشدارێن ل گەل شاندێ نوشداریێ ساخلەمیا پارێزگەھا دھۆکێ دیارکر کو بەر نوکە ژی ب شێوەیەکێ بەردەوام تیمێن ساخلەمیێ ل سەرێ چیایێ شنگالێ و ل گەل پێشمەرگەی ھەبووینە و گۆت: ل گەل گەھشتنا پێشمەرگێن کوردستانێ بۆ سەر چیایێ شنگالێ تیمەکێ نوشداری کو ژ پێنج نوشدار و پێنج ترۆمبێلێن ئەمبولانس و ھژمارەکا کارمەندێن دھات گەھشتن چیایێ ناڤبری داکو خزمەتا پێشمەرگە و ئاکنجیێن سەرێ چیایێ شنگالێ بکەن.
