ساخلەمیا قامشلۆ: تنێ حوکمەتا هەرێما کوردستانێ هاریکاریا مە کریە
ئەڤرۆ نیوز:
د. مەناف محەمەد هەڤسەرۆکا ساخلەمیا هەرێما جزیرێ ل باژێرێ قامشلۆ بۆ دەزگەهێن راگەهاندنێ دیار کر کو د بابەتێ ڤایرۆسێ کۆرۆنایێ دا هەتا نها تنێ حوکمەتا هەرێما کوردستانێ هاریکاریا وان کریە.
ناڤهاتی داخواز ژ وەلاتێن جیهانێ و رێکخراوێن ساخلەمیا جیهانی ژی کر کو ژ بۆ بەرهنگاریا کۆرۆنایێ هاریکاریا وان بکەن و گۆت: (هەتا نها تنێ دو کەس ل هەرێما جزیرێ تووشی ڤایرۆسێ کۆرۆنایێ بووینە، لێ پێدڤیا مە ب هاریکاریێن زێدەتر یێن ساخلەمیێ هەنە دا بشێین خزمەتا وەلاتیان بکەن).
