سارا ئاڤده‌ل: ئاستێ یاریا تێنسێ ل دهۆكێ ژ هه‌موو پارێزگه‌ها باشتره
ئه‌ڤرۆ، نه‌وزاد هلۆری:
سارا ئاڤده‌ل ئێك ژ وان راهێنه‌ر و یاریزانێن كچه د یاریا تێنسا ئه‌ردی دا كو روله‌كێ باش هه‌یه و چه‌ندین قاره‌مانی ل سه‌ر ئاستێ ئیراق و كوردستان و نیڤده‌وله‌تی دا پشكداربویه.
سارا بۆ رۆژناما ئه‌ڤرۆ گۆت: دژیێ هه‌شت سالیێ دا من ده‌ست ب یاریا تێنسا ئه‌ردی كریه ل گه‌ل خێزانه‌كا وه‌رزشی په‌روه‌رده بوویمه و مالا مه هه‌موو یاریزانن ڤێ یاریێ نه، سوپاس بۆ خودێ دده‌ما بوری دا چه‌ندین قاره‌مانیێن كوردستان و ئیراق و نیڤده‌وله‌تی ژی دا پشكداربوویمه و ده‌ستكه‌فتنێن باش ده‌ستخوڤه ئیناینه.
زێده‌تر گۆت: ئاستێ تێنسا ئه‌ردی ل كوردستانێ ب گشتی و پارێزگه‌ها دهۆكێ باشه، لێ پێدڤی ب باشتره ب تایبه‌تی كو دڤێت زێده‌تر گرنگی ب وه‌رزشڤانێن تێنسا ئه‌ردی بهێته‌دان و پشته‌ڤانیا وان بهێته‌كرن و قاره‌مانی بۆ بهێنه ڤه‌كرن، داكو باشتر بیت.
سارایێ د درێژاهیا ئاخفتنێن خودا دیاركر ژی كو دنوكه دا وه‌كو راهێنه‌ره‌كا نیڤده‌وله‌تی یا تێنسا ئه‌ردی و یاریزان ژی كار دكه‌ت و گۆت ژی: ب ره‌نگه‌كێ گشتی كچێن كورد زۆر گرنگیێ ب وه‌رزشێ ناده‌ن، ژبه‌ركو خێزانێن وان هاریكار نینن و ئه‌و ژی حه‌ز ژ تێنسێ و وه‌رزشی ناكه‌ن، لێ ل گه‌ل هندێ ژی ئاستێ وه‌رزشا تێنسا ئه‌ردی ل كوردستانێ بۆ كچان زۆر باشه ب تایبه‌تی ل پارێزگه‌ها دهۆكێ.
