ستێره‌كا ریال مه‌درید دخوازیا سێ یانێن به‌رنیاس ل ئورۆپا ره‌تكر
ئه‌ڤرۆ نیوز:
ستێرا یانا ریال مه‌درید لوكاس ڤاسیكیز دیاركر ئه‌وى ل ماوێ بورى داخوازیا سێ یانێ، به‌رنیاس ل سه‌ر ئاستێ ئورۆپا ره‌تكرن ژبه‌ركو ئه‌وى دخواست یێ به‌رده‌وام بیت ل یانا خوه.
زێده‌تر رادیویا ئوندا سیرو یا ئیسپانى دیاركریه ل ماوێ بورى هه‌ر ئێك ژ یانێن ئه‌رسینال و مانچێسته‌ر یونایتد یێن ئنگلیزى و بایرن میونیخ یا ئه‌لمانى ژ ڤاسكێز خواست بوو هه‌ڤبه‌ستێ ل گه‌ل ئیمزا بكه‌ن لێ وى یاریزانى داخوازیا ئه‌وان یانا ره‌تكر ژبه‌ركو دخواست به‌رده‌وامى بده‌ته كرنا یاریێ ل یانا ریال مه‌درید.
ڤاسكێز ئه‌وێ ده‌ستپێكا ژیانا خوه ل گه‌ل یانا ریال مه‌درید ده‌ستپێكرى و ل سالا 2014 ژ تیما ریال یا دوێ ب شێوه‌یێ خواستن په‌یوه‌ندى ب ئیسپانیول كر بوو پاش ل وه‌رزێ 2015-2016 ڤه‌گه‌ریا یانا ریال مه‌رید ڤه و هه‌تا نوكه ئه‌و یاریزان یێ به‌رده‌وامه ل گه‌ل وێ یانێ و هه‌ر راهێنه‌ره‌كێ هاتیه وێ یانێ پشت به‌ستن ل سه‌ر ئه‌وى یاریزانى كریه ل زوربه‌یا یاریان ل وه‌رزێ سالى و هه‌تا نوكه 192 یارى ل گه‌ل ریال مه‌درید ئه‌نجامداینه و شیایه 22 گولان توماربكه‌ت و ل گه‌ل 45 ئه‌سیست هه‌ردیسان ل گه‌ل هه‌لبژارتیێ ئیسپانیا پشكدارى د قاره‌مانیا یورۆیا 2016 و موندیالا جیهانێ یا 2018 دا ژى كربوو.
