ستێره‌کا عیراقی هه‌ڤبه‌ستا یانه‌کا به‌رنیاس ل ئاسیا ئیمزاکر
ئه‌ڤرۆ نیوز،هه‌ژار مه‌عروف:
گولکه‌رێ به‌رنیاس یێ عیراقی و یانا نه‌فت یا به‌غدادی ئه‌یمن حسێن ب فه‌رمی هه‌ڤبه‌ستا یانا پێرسپولیس (پیروزی) یا ئیرانی کو دهێته هژمارتن ئێک ژ به‌رنیاسترین یانێن ئیرانی و ئاسیاوی یه، پشتی دوهی ژ فروکخانه‌یا هه‌ولێرێ به‌ر ب ته‌هرانا پایته‌ختێ ئیرانێ چوی ژ هه‌ر هه‌مان روژ هه‌ڤبه‌ستا ئه‌وی هاتیه راگه‌هاندن پشتی به‌ری نوکه ل سه‌ر هه‌موو به‌ندێن هه‌ڤبه‌ستێ رێککه‌فتین ژلایێ بریکارێ خوه یێ ئیرانی.
هه‌ژی گوتنێ یه ئه‌یمن حسێن نوکه یاریزانێ هه‌لبژارتیێ ئێکێ عیراقێ یه و به‌ری نوکه یاری بۆ هه‌لبژارتیێن ئولومپی و لاوێن عیراقێ ژی کریه و هه‌ردیسان یاری ل یانێن گازی باکور و دهۆک و نه‌فت کریه هه‌ردیسان ماوه‌کێ کورت بۆ يانا شورته ژی كر.
