سكرتێرێ گشتێ یێ un بۆ بارزانى: ئه‌م حه‌ز دكه‌ین ل گه‌ل هه‌وه كار بكه‌ین
ئه‌ڤرۆ نیوز:
ئه‌میندارێ گشتی یێ نه‌ته‌وه‌یێن ئێكگرتی به‌رسڤا نامه‌یا سه‌رۆكێ هه‌رێمێ دا و راگه‌هاند: ئه‌و به‌رهه‌ڤن ژبۆ ئارامییا ده‌ڤه‌رێ هه‌ماهه‌نگیێ دگه‌ل بارزانی بكه‌ن.
ئه‌نتۆنیۆ گۆتیرس، د به‌رسڤا نامه‌یا مه‌سعوود بارزانی دا كو ژبۆ پیرۆزباهیێ ئاراسته كربوو، گۆتییه: نه‌ته‌وه‌یێن ئێكگرتی و وی ب خوه ژی، ئاگه‌هـ ژ رۆلێ بارزانی و قاره‌مانییا هێزێن پێشمه‌رگه‌ی د شه‌ڕێ دژی داعشێ دا هه‌یه، دیار ژی كر، رێكخستنا نه‌ته‌وه‌یێن ئێكگرتی دخوازیت ژ نێزیك دگه‌ل بارزانی كار بكه‌ت.
د به‌رسڤا نامه‌یا بارزانی دا، ئه‌میندارێ نه‌ته‌وه‌یێن ئێكگرتی دایه زانین، بۆ په‌یداكرنا ئاشتی و سه‌قامگیریێ ل هه‌رێما كوردستانێ، ئیراقێ و رۆژهه‌لاتا ناڤین و هه‌روه‌سا جیهانێ پێدڤییه هه‌موو ئالییه‌ك هه‌ماهه‌نگیێ دگه‌ل بارزانی بكه‌ن.
